మ్యూచువ‌ల్ ఫండ్ ప‌రిశ్ర‌మ ఆస్తులు ఆగ‌స్టు నెల‌లో రూ. 15.6 ల‌క్ష‌ల కోట్ల‌కు చేరాయి. ఇన్‌క‌మ్‌, ఈక్విటీ సెగ్మెంట్ల‌లో నిధుల రాక ఇందుకు కార‌ణ‌మ‌యింది. 42 సంస్థ‌లు కలిగిన ఈ ప‌రిశ్ర‌మ‌లో జులై చివ‌రి నాటికి రూ. 15.2 లక్ష‌ల కోట్ల ఆస్తులుండ‌గా ఆగ‌స్టులో స్వ‌ల్పంగా పెరిగిన‌ట్లు యాంఫీ డేటా ద్వారా తెలుస్తోంది.

పెట్టుబ‌డిదారుల సెంటిమెంటు పెర‌గ‌డం కూడా ఆస్తుల పెరుగుద‌ల‌కు దోహంద చేసింది. జులై నెల‌లో నిధుల రాక రూ. 1.03 ల‌క్ష‌ల కోట్లుండ‌గా ఆగ‌స్టు నెల‌లో రూ. 25,332 కోట్లుగా ఉన్నాయి. మొత్తంగా ఇన్‌క‌మ్ ఫండ్ల‌లో 28,457 కోట్లు కొత్త‌గా రాగా, ఈక్విటీ ఆధారిత పొదుపు ప‌థ‌కాల్లో రూ. 6505 కోట్లు కొత్త‌గా వచ్చి చేర‌గా, లిక్విడ్ ఫండ్ల‌లో రూ. 13 వేల కోట్లను విత్‌డ్రా చేసుకున్నారు.

మ్యూచువ‌ల్ ఫండ్లు అంటే చిన్న మొత్తాల్లో ఎక్కువ మంది నుంచి నిధులు సేక‌రించి వాటిని ఒక ఫండ్‌గా ఏర్పాటు చేసి వాటిని స్టాకులు, బాండ్లు, మ‌నీ మార్కెట్ సాధ‌నాల్లో పెట్టుబ‌డులుగా పెడ‌తారు.