దేశంలో ప‌న్ను చెల్లించే వారి సంఖ్య 7 కోట్ల 40 ల‌క్ష‌ల‌కు చేరిన‌ట్లు కేంద్ర ప్ర‌త్య‌క్ష ప‌న్నుల మండ‌లి చైర్‌ప‌ర్స‌న్ రాణి సింగ్ నాయ‌ర్ వెల్ల‌డించారు. ఇంత‌కు ముందు ఉన్న 5 కోట్ల కంటే ఇది బాగా పెరిగింద‌నే చెప్పాలి. జూన్ నెల‌లో ప్ర‌ధాన‌మంత్రి టాక్స్ చెల్లించేవారి సంఖ్య‌ను క‌నీసం 10 కోట్ల‌కు పెంచాల్సి ఉంద‌ని అభిప్రాయ‌ప‌డ్డారు. నాయ‌ర్ వెల్ల‌డించిన గ‌ణాంకాల్లో ప‌న్ను రిట‌ర్నులను ఫైల్ చేసిన‌వారు, టీడీఎస్ మిన‌హాయించబ‌డిన వారు ఉన్నారు. దేశంలో ప‌న్ను-జీడీపీ రేషియో 17 శాతంగా ఉంద‌ని, అది చాలా దేశాల్లో ఉన్న 23-24 శాతం కంటే బాగా త‌క్కువ‌ని చెప్పారు.