ఆదాయ‌పు ప‌న్ను శాఖ వ‌ద్ద రూ. 1.23 ల‌క్ష‌ల కోట్ల మేర ఆదాయ‌పు ప‌న్ను రీఫండ్ పెండింగ్‌లు ఉన్న‌ట్లు ప్ర‌భుత్వం తెలిపింది. మార్చి 31,2016 నాటికి ఆదాయ‌పు ప‌న్ను శాఖ వ‌ద్ద రూ. 10 ల‌క్ష‌ల‌కు మించిన 57783 కేసుల్లో వివిధ మ‌దింపు సంవ‌త్స‌రాల‌కు సంబంధించి 1కోటి 23 లక్ష‌ల 335 రూపాయ‌ల రీఫండ్ క్లెయింలు పెండింగ్‌లో ఉన్నాయ‌ని లోక్‌స‌భ‌లో ఒక ప్ర‌శ్న‌కు స‌మాధానం సంద‌ర్భంగా ఆర్థిక శాఖ స‌హాయమంత్రి వెల్ల‌డించారు.

ఇందులో వివిధ మ‌దింపు సంవ‌త్స‌రాల క్లెయింల్లో ప‌రిశీల‌న‌ల కార‌ణాల రీత్యా రూ. 97825 కోట్ల నిధుల‌కు సంబంధించిన రీఫండ్లు పెండింగ్‌లో ఉన్నాయి. వివిధ చ‌ట్ట‌బ‌ద్ద‌, కార్య‌నిర్వాహ‌క కార‌ణాల వ‌ల్ల పెద్ద‌మొత్తాల‌కు చెందిన మ‌రికొన్ని పెండింగ్‌లో ఉన్న‌ట్లు మంత్రి చెప్పారు.

త‌క్కువ మొత్తాల్లో పన్ను రీఫండ్‌ల కోసం ఎదురుచూసే ప‌న్ను చెల్లింపుదార్ల‌కు ఉప‌శ‌మ‌నం క‌లిగించేందుకై సీబీడీటీ చ‌ర్య‌లు తీసుకుంది. సీపీసీ, బెంగుళూరుకు, ప‌న్ను మ‌దింపు అధికార్ల‌కు రూ. 5000 లోపు రీఫండ్ల‌ను జారీ చేసే అధికారాన్ని సీబీడీటీ క‌ల్పించింది. ఈ ఏడాది ఆగ‌స్టు 1 వ‌ర‌కూ రూ. 5 వేల లోపు రీఫండ్ల‌కు సంబంధించి మొత్తం 11 ల‌క్ష‌ల 91 వేల 598 కేసుల‌ను ప‌రిష్క‌రించ‌డం ద్వారా రూ. 244 కోట్ల చెల్లింపుల‌ను జ‌రిపిన‌ట్లు తెలుస్తోంది.