కేంద్రం ఆదా ఆదాయ పన్ను రిటర్న్స్ దాఖలుకు వచ్చే నెల 5 వరకు సమయం ఇచ్చింది. 2016-17 మ‌దింపు సంవ‌త్స‌రానికి సంబంధించి ఆదాయ పన్ను రిటర్స్ దాఖలుకు తుది గడువు ఈ నెల 31 తో ముగుస్తుంది. అయితే దీన్ని ఆగస్టు 5 వరకు పొడిగిస్తున్నట్లు శుక్రవారం రెవిన్యూ కార్యదర్శి హస్ముఖ్ అధియా ట్విట్టర్ ద్వారా తెలిపారు. తాజా బ్యాంక్ ఉద్యోగుల సమ్మె, జమ్ముకశ్మీర్‌లో నెలకొన్న ఆందోళనకర పరిస్థితుల దృష్ట్యా గడువు తేదిని పొడిగిస్తున్నట్లు అధియా చెప్పారు. కాగా, జమ్ముకశ్మీర్‌లో పన్ను చెల్లింపుదారులు ఆగస్టు 31 వరకు తమ ఆదాయ పన్ను రిటర్స్న్‌ను దాఖలు చేసుకునే వెసులుబాటును కల్పిస్తున్నట్లు స్పష్టం చేశారు.