మార్చి, 2016 నాటికి దేశంలో భార‌త ఇంట‌ర్నెట్ వినియోగ‌దారుల సంఖ్య 34 కోట్ల‌ను దాటేసింది. ఈ విష‌యాన్ని కేంద్ర మంత్రి పార్ల‌మెంట్‌లో వెల్ల‌డించారు. టెలికాం మంత్రి మ‌నోజ్ సిన్హా లోక్‌స‌భ‌లో వివ‌ర‌ణ మేర‌కు మార్చి 31, 2016 నాటికి దేశంలో ఇంట‌ర్నెట్ వినియోగ‌దారుల సంఖ్య 34 కోట్ల 26 లక్ష‌ల 750గా ఉంది. మొత్తం విడుద‌ల చేసిన 138 ఇంట‌ర్నెట్ స‌ర్వీస్ ప్రొవైడర్ల‌(ఐఎస్‌పీ)లో భార‌తి ఎయిర్‌టెల్ అత్య‌ధిక వినియోగ‌దారుల‌ను క‌లిగి ఉంది. ఎప్ప‌టిలాగే ఎయిర్‌టెల్ 90.53 మిలియ‌న్‌(9 కోట్లకు పైగా) వినియోగ‌దారుల‌తో అగ్ర‌స్థానాన్ని నిలుపుకుంది.

* ఎయిర్‌టెల్ వినియోగ‌దారుల సంఖ్య 9.053 కోట్లు
* వోడాఫోన్ వినియోగ‌దారుల సంఖ్య 6.755 కోట్లు
* ఐడియా సెల్యూలార్ వినియోగ‌దార్లు 4.403 కోట్లు
* రిల‌య‌న్స్ క‌మ్యూనికేష‌న్స్ 3 కోట్ల 90 ల‌క్ష‌లు
* బీఎస్ఎన్ఎల్ 3.4 కోట్లు
* ఎయిర్‌సెల్ 2.244 కోట్లు
* టాటా క‌మ్యూనికేష‌న్స్ 2.1 కోట్లు
* టెలినార్ 1 కోటి 30 ల‌క్ష‌లు

సిస్ట‌మా శ్యామ్ (ఎంటీఎస్‌), ఎంటీఎన్ఎల్‌, వీడియోకాన్ సంస్థ‌ల‌కు 20 లక్ష‌ల మంది వినియోగ‌దారులుండ‌గా మిగిలిన కంపెనీల‌కు 10 ల‌క్ష‌లకు లోపే ఉన్నారు.

ప‌ట్ట‌ణ ప్రాంతాల్లో అత్య‌ధిక వినియోగ‌దారులు మ‌హారాష్ట్రలో 1.972 కోట్లు ఉండ‌గా, ఉత్త‌ర‌ప్ర‌దేశ్ తూర్పు ప్రాంతం గ్రామీణ వాడ‌కందార్ల‌లో 1.121 కోట్ల మందిని క‌లిగి ఉంది.