'నేషన్ బ్రాండ్': భారత్‌కు 7వ స్థానం

అత్యుత్తమ 20 దేశాల్లో భారత్ బ్రాండ్ విలువే అధికంగా వృద్ధి చెందింది. అంతేకాదు బ్రిక్స్ (బ్రెజిల్, రష్యా, భారత్, చైనా, దక్షిణాఫ్రికా) సభ్య దేశాల్లో బ్రాండ్ విలువ పెరిగిన ఏకైక దేశం కూడా భారతే. చైనా తిరిగి తన రెండో స్థానాన్ని నిలబెట్టుకున్నా గత సంవత్సరంతో పోలిస్తే బ్రాండ్ విలువ ఒక శాతం తగ్గి 630 కోట్ల డాలర్లకు పరిమితమైంది.

'నేషన్ బ్రాండ్': భారత్‌కు 7వ స్థానం

బ్రాండ్ ఫైనాన్స్ అనే సంస్థ దేశంలోని అన్ని బ్రాండ్ల ఆదాయం ఆధారంగా ఆ దేశ బ్రాండ్ విలువను లెక్కిస్తుంది. ఇందులో భాగంగా ఒక్కో బ్రాండ్‌కు సంబంధించి వచ్చే ఐదేళ్ల కాలానికి అమ్మక అంచనాలను పరిగణలోకి తీసుకుంటుంది. దీంతో పాటు బ్రాండ్ విలువ మదింపులో ఆ దేశ స్థూల జాతీయోత్పత్తికి ఎక్కువ ప్రాతినిథ్యం ఉంటుంది.

'నేషన్ బ్రాండ్': భారత్‌కు 7వ స్థానం

ఇంక్రెడిబుల్ ఇండియా నినాదం ఈసారి భారత్‌కు కలిసివచ్చిందని, ఫోక్స్‌వ్యాగన్ సంక్షోభం జర్మనీకి ఇబ్బందిగా మారిందని బ్రాండ్ ఫైనాన్స్ తన నివేదికలో పేర్కొంది. సానుకూల వ్యాపార వాతావరణం కల్పిస్తున్న అమెరికా ఇప్పటికీ అత్యంత విలువైన జాతీయ బ్రాండ్‌గా కొనసాగుతుందని పేర్కొంది.

'నేషన్ బ్రాండ్': భారత్‌కు 7వ స్థానం

కాగా అమెరిగా బ్రాండ్ విలువలో అక్కడి ఉన్నత విద్యా వ్యవస్థతోపాటు మ్యూజిక్, ఎంటర్‌టైన్‌మెంట్ రంగాలు కూడా గణనీయమైన వాటా కలిగి ఉన్నాయని బ్రాండ్ ఫైనాన్స్ తన నివేదిక తెలిపింది. ఒకానొక దశలో అమెరికాను చైనా వెనక్కి నెట్టే అవకాశం పొందనప్పటికీ, ఈమధ్య కాలంలో అక్కడ చోటు చేసుకున్న స్టాక్ మార్కెట్ సంక్షోభం, ఆర్థిక మందగమనం చైనాను రెండో స్థానంలో నిలిచేలా చేశాయని పేర్కొంది.