హైదరాబాద్: నిరుద్యోగులకు శుభవార్త. హైదరాబాద్‌లో ఉద్యోగ నియామకాలు ఊపందుకున్నాయి. డిసెంబర్ నెలలో నియామకాలు గత ఏడాదితో ఇదే నెలతో పోలిస్తే 20 శాతం మేర పెరిగాయి. నౌకరీ.కామ్ వెబ్‌సైట్ వెల్లడించిన గణాంకాల ప్రకారం డిసెంబర్ నెలలో ఐటీ సాప్ట్‌వేర్, ఐటీఈవోఎస్/బీపీఓ రంగాల్లో నియమాకాలు వరుసగా 12 శాతం, 9 శాతం పెరిగాయి.

పాఠకుల కోసం ఫేస్‌బుక్ ద్వారా ఎప్పటికప్పుడు తాజా వార్తలు... లైక్ చేయండి.

ఇక బ్యాంకింగ్‌, ఫైనాన్షియల్‌ సర్వీసెస్‌ (బిఎఫ్‌ఎస్‌ఐ)లో 17 శాతం, క్యాపిటల్‌ గూడ్స్‌ రంగంలో 6 శాతం నియామకాలు పెరిగాయి. కాగా, ఫార్మా రంగంలో నియామకాలు 4 శాతం, నిర్మాణ రంగంలో ఒక శాతం మేర తగ్గాయి. హైదరాబాద్‌కు చెందిన నౌకరీ జాబ్‌ స్పీక్‌ ఇండెక్స్‌ డిసెంబర్‌ నెలలో 1577గా ఉంది. అంతకు ముందు ఏడాది ఇదే నెలలో ఇది 1320గా నమోదైంది.

ఈ సందర్భంగా నౌకరీ. కామ్‌ ఎగ్జిక్యూటివ్‌ వైస్‌ ప్రెసిడెంట్‌, చీఫ్‌ సేల్స్‌ ఆఫీసర్‌ వి సురేష్‌ మాట్లాడుతూ.. హైదరాబాద్‌, సికింద్రాబాద్‌ జంటనగరాల్లో నియామకాలు 20 శాతం మేర పెరగడం శుభపరిమాణం అని అన్నారు.