హైదరాబాద్: హైదరాబాద్‌లో వచ్చే ఏడాది ఫిబ్రవరిలో జరుగనున్న బయో ఏసియా -2015 సదస్సు వైబ్‌సైట్‌ను ముఖ్యమంత్రి కె చంద్రశేఖర్‌రావు సోమవారం సచివాలయంలో ప్రారంభించారు. ‘జీవశాస్త్రంలో ఎదుగుతోన్న పరిణామ క్రమం' పై ఈ సదస్సు జరుగనుంది.

హెచ్‌ఐసిసిలో ఫిబ్రవరి 2వ తేదీ నుంచి 4 వరకు నిర్వహించే ఈ సదస్సుకు 60 దేశాల నుంచి రెండు వేల మంది ప్రతినిధులు హాజరవుతారని అంచనా వేస్తున్నారు.

నిరుడు హైదరాబాద్‌లో నిర్వహించిన బయో ఏసియా సదస్సుకు 51 దేశాల నుంచి 900 మంది ప్రతినిధులు పాల్గొన్న సంగతి తెలిసిందే. రాష్ట్రంలో రూ. 1300 కోట్ల పెట్టుబడులు పెట్టడానికి బయో ఏసియా ముందుకు వచ్చినట్టు పేర్కొన్నారు.