ముంబై: అంతర్జాతీయంగా రూపాయి పతనం.. బ్యాంకింగ్, క్యాపిటల్ గూడ్స్, ఆటో, పీఎసయూ, రియల్ ఎస్టేట్ రంగాల షేర్ల అమ్మకాల ప్రభావంతో స్టాక్ మార్కెట్లు నష్టాల బాటలో ఉన్నాయి. నేషనల్ స్టాక్ ఎక్సేంజ్ 52 వారాల కనిష్ట స్దాయిలో ట్రేడ్ అవుతుంది. ఈరోజు 2 గంటల ప్రాంతంలో 138 పాయింట్లను నష్టపోతూ 5,369 వద్ద ట్రేడ్ అవుతుంది. ఇక బాంబే స్టాక్ ఎక్సేంజ్ అత్యధికంగా 426 పాయింట్లను నష్టపోతూ 18,172 పాయింట్ల వద్ద ట్రేడ్ అవుతుంది.

ఈరోజు ఉదయం నుండి పతనస్దాయిలో ఉన్న రూపాయి మరింత పతనం దిశగా కొనసాగుతుంది. డాలర్‌ పోలిస్తే 62.45 వద్ద ట్రేడ్ అవుతుంది. ఇది ఇలా ఉంటే విదేశీ పెట్టుబడులు వెనక్కిపోవడం వల్ల స్టాక్ మార్కెట్ల సెంటిమెంట్లు మరింతగా దెబ్బతిన్నాయి. విదేశీ సంస్థాగత మదుపుదారులు గత శుక్రవారం ఏకంగా 563.23 కోట్ల రూపాయల విలువైన షేర్లను అమ్మేసినట్లు స్టాక్ ఎక్స్ఛేంజ్ వర్గాల సమాచారం.

ఎంఅండ్ఎం, బజాజ్ ఆటో, ఐసీఐసీఐ బ్యాంకు, భారతి ఎయిర్టెల్, హీరో మోటోకార్ప్, ఎల్అండ్టీ షేర్లు ఎక్కువగా నష్టపోతున్నాయి. ఆసియాకు చెందిన పలు కంపెనీలు వరుసగా మూడో రోజు కూడా నష్టాల బాటలో ట్రేడ్ అవుతున్నాయి.

వన్ఇండియా మనీ తెలుగు