న్యూఢిల్లీ: ఆదాయ పన్ను రిటర్న్‌లు దాఖలు చేసే గడువును మరో ఐదు రోజులు (ఆగస్టు 5 వరకు) పొడిగిస్తూ ప్రత్యక్ష పన్నుల కేంద్రీయ బోర్డు (సీబీడీటీ) నిర్ణయం తీసుకుంది. రిటర్న్‌ల దాఖలుకు జులై 31 ఆఖరు తేదీ కాగా ఆన్‌లైన్ చేసే ఈ ఫైలింగ్‌కు ఎక్కువ ఆదరణ రావడంతో గడువును ఆగస్టు 5 వరకు పొడిగిస్తూ నిర్ణయం తీసుకున్నామని సీబీడీటీ ప్రతినిధులు ఒక ప్రకటనలో పేర్కొన్నారు. గత ఏడాదితో పోలిస్తే ఈ సంవత్సరం ఆన్ లైన్ ద్వారా రిటర్న్‌లు దాఖలు చేసే వారి సంఖ్య 46.8 శాతం పెరిగింది. ఈ ఏడాది జులై 30 వరకు ఆన్ లైన్ ద్వారా 92 లక్షల మంది రిటర్న్‌లు దాఖలు చేశారు.

అసలు ఎవరెవరు ఆదాయ పన్ను క్రింద అర్హులు. గవర్నమెంట్ వారి లెక్క ప్రకారం 18 సంవత్సరాల వయసు దాటిన ప్రతి ఒక్కరూ ఈ ఆదాయ పన్ను పరిగణలోకి వస్తారు. ఐతే మన దేశంలో 18 సంవత్సరాలు నిండినప్పటికీ.. ఆదాయాన్ని సంపాదించే స్దాయిలో అందరూ ఉండరు. కాబట్టి వారి వార్షిక ఆదాయాన్ని బట్టి ప్రభుత్వం ఆదాయ పన్ను విధిస్తుంది. 18 సంవత్సరాల వయసు లేని వారిని మైనర్ అనే విషయం తెలిసిందే. అలాంటి మైనర్స్ కొన్ని ప్రత్యేకమైన పరిస్దితుల్లో తప్ప ఆదాయ పన్ను రిటర్న్స్ దాఖలు చేయాల్సిన అవసరం లేదు.

18 సంవత్సరాల వయసు లోపు ఉన్న వారు ట్యూషన్స్ లాంటి ఆదాయ మార్గాల ద్వారా ఆదాయాన్ని ఆర్జించినట్లైతే తప్పనిసరిగా ఆదాయ పన్ను చెల్లించాల్సి ఉంటుంది. అదే మీరు సంపాదించే ఆదాయం రూ. 2 లక్షలుకు పైగా ఉన్నట్లైతే పెద్దవారి మాదిరే వీరు కూడా రిటర్న్స్ ఫైల్ చేయాల్సి ఉంటుంది. 18 సంవత్సరాల వయసు లోపు ఉన్న మైనర్ రిటర్న్స్ ఫైల్ చేయాలంటే దానికి వివిధ మార్గాలున్నాయి. మీ తండ్రి గనుక మీ పేరు మీద బ్యాంక్ ఎకౌంట్ ఓపెన్ చేసినట్లైతే... దాని ద్వారా మీరు వడ్డీని పొందుతుంటే, ఈ ఆదాయాన్ని మీరు మీ సొంత ఆదాయంగా ఇన్‌కమ్ టాక్స్ ఫైలింగ్‌లో చూపించుకోవచ్చు.

మైనర్ ఎప్పుడు కూడా సపరేట్‌గా ఆదాయాన్ని ఫైల్ చేయాల్సిన అవసరం ఉండదు. మీరు టాక్స్‌ను ఫైలింగ్ చేసే సమయంలో మీ తండ్రి లేదా సంరక్షుడి పేరును ప్రస్తావించవచ్చు. ఆదే 18 సంవత్సరాల వయసు పైబడిన ప్రతి ఒక్కరూ ఆదాయాన్ని సంపాదిస్తుంటే తప్పనిసరిగా ఇన్‌కమ్ టాక్స్ ఫైలింగ్ దాఖలు చేయాల్సి ఉంటుంది. రూ. 2లక్షలకు పైగా ఆదాయాన్ని సంపాదిస్తుంటే తప్పనిసరిగా రిటర్న్స్ దాఖలు చేయాలి. అదే రూ. 5 లక్షలు పైబడి మీ ఆదాయం ఉంటే ఎలక్ట్రానిక్ రూపంలో రిటర్న్స్ దాఖలు చేయాలి. ఇన్‌కమ్ టాక్స్ ఫైలింగ్ అనేది ప్రస్తుతం ఆన్ లైన్‌లో కూడా దాఖలు చేసే వెసులుబాటుని ప్రభుత్వం కల్పిస్తుంది. ఇన్ కమ్ టాక్స్ రిటర్న్స్ ఫైలింగ్ చేసేందుకు చివరి తేదీ జులై 31గా ప్రభుత్వం నిర్ణయించింది.

వన్ఇండియా మనీ తెలుగు