న్యూఢిల్లీ: ఆదాయపు పన్ను పరిధిలోకి వచ్చిన వారంతా ఈ అసెస్‌మెంట్ సంవత్సరం నుండి తప్పనిసరిగా ఇన్‌కమ్ ట్యాక్స్ రిటర్న్‌లు దాఖలు చేయాల్సిందేనని ప్రత్యక్ష పన్నుల కేంద్రీయ బోర్డు (సీబీజీటీ) పేర్కొంది. గత రెండు సంవత్సరాలుగా రూ. 5 లక్షల లోపు జీతంగా ఆదాయాన్ని సంపాదిస్తున్న వారు, బ్యాంకు వడ్డీ ఆదాయం రూ. 10,000 దాటకపోయినట్లైతే రిటర్న్‌లు నుండి మినహాయింపు ఇస్తున్న విషయం తెలిసిందే. ఈ మినహాయింపు కేవలం 2011-12, 2012-13 అసెస్‌మెంట్ సంవత్సరాలకు మాత్రమే వర్తిస్తుందని, 2013-14వ సంవత్సరం నుండి అందరూ తప్పనిసరిగా రిటర్నులు దాఖలు చేయాల్సిందేనని సీబీడీటీ ఒక ప్రకటనలో పేర్కొంది.

గత మే నెలలో రూ. 5 లక్షల ఆదాయం దాటిన వారందరూ ఆన్ లైన్‌లో మాత్రమే రిటర్న్‌లు దాఖలు చేస్తున్న విషయం తెలిసిందే. గత సంవత్సరం ఈ నిబంధన రూ. 10 లక్షల ఆదాయం దాటితేనే ఉండేది. ఇప్పుడు రూ. 5 లక్షల ఆదాయం లోపు వారు ఆన్ లైన్ ద్వారా లేదా కాగిత రూపంలో ఇన్ కమ్ ట్యాక్స్ రిటర్న్‌లు దాఖలు చేయవచ్చు.

వన్ఇండియా మనీ తెలుగు