టాటా గ్రూప్‌తో కలిసి విమాన సేవలు చౌకగా అందించే క్రమంలో ఇతర విమానయాన సంస్దల మార్కెట్ వాటాను చేజిక్కించుకోవాలని మేము భావించడం లేదని.. అంతేకాకుండా ఆ కంపెనీల నుండి పోటీని సమర్దంగా ఎదుర్కొనగలమని చెప్పారు. 120 కోట్ల జనాభా కలిగిన ఇంత పెద్ద మార్కెట్‌లో మాకంటూ ప్రత్యేకంగా మార్కెట్‌ను సృష్టించుకుంటామని అన్నారు. రూ. 80 కోట్ల ప్రారంభ పెట్టుబడితో ప్రారంభమవుతున్న ఈ జేవీలో ఎయిర్‌లైన్స్‌లో ఎయిర్‌ఏషియా 49 శాతం, టాటాసన్స్‌ 30 శాతం, టెలిస్ట్రా ట్రేడ్‌ప్లేస్‌ 21 శాతం పెట్టుబడులు పెట్టిన విషయం తెలిసిందే.

దేశీయ విమానయాన రంగంలో సాధ్యమైనంత వరకూ తక్కువ ఛార్జీలు వసూలు చేస్తామని చెప్పారు. ఏజెంట్లను దూరంగా ఉంచి ఆన్ లైన్‌లో టిక్కెట్లను విక్రయించడం ద్వారా వ్యయాలను తగ్గించుకోవడమే కాకుండా.. తక్కువ ధరలకు టిక్కెట్లను విక్రయిస్తామని చెప్పారు. భారత్‌లో 90 శాతం విమానయాన టిక్కెట్లు ఏజెంట్ల ద్వారానే విక్రయం అవుతున్నాయని.. ఐతే ఎయిర్ ఏషియా 80 శాతానికి పైగా టిక్కెట్లను తన వెబ్ సైట్ ద్వారా విక్రయిస్తోందని చెప్పారు. మా వ్యూహం ఖచ్చితం. వీలైనంత తక్కువ ఛార్జీలు, మెరుగైన కనెక్టివిటీని అందించేందుకు శాయశక్తులా ప్రయత్నిస్తామని అన్నారు. టోనీ ఫెర్నాండెజ్ మంగళవారం పౌర విమానయాన మంత్రి అజిత్ సింగ్‌తో భేటీ కానున్నారు. అత్యంత ఖరీదైన న్యూఢిల్లీ, ముంబై విమానాశ్రయాలకు వెంటనే సర్వీసులను ప్రవేశపెట్టే ఆలోచన లేదని అన్నారు.

వన్ఇండియా మనీ తెలుగు