న్యూఢిల్లీ: భారత దేశ కార్పోరేట్ రంగంలో ఆఖరి త్రైమాసికం (2012-13) Q4లో వ్యాపార విశ్వాసం తగ్గినట్లు ఫిక్కీ నిర్వహించిన సర్వేలో వెల్లడైంది. వివరాల్లోకి వెళితే జనవరి - మార్చి 2013 సంవత్సరానికి గాను Q4లో వ్యాపార విశ్వాస సూచీ (బీసీఐ) 61.2 శాతం నుండి 57.4 శాతానికి క్షీణించింది. దీంతో టోకు ధరల సూచీ ఆధారిత ద్రవ్యోల్బణం బాగా దిగొచ్చిన నేపథ్యంలో వడ్డీ రేట్లను రిజర్వ్ బ్యాంక్ ఆఫ్ ఇండియా (ఆర్‌బీఐ) మరింత తగ్గించాలన్న డిమాండ్‌లు సర్వేలో వ్యక్తమయ్యాయి.

(4 fixed deposits with high interest rates and good safety)

పెరిగిన కరెంట్ అకౌంట్ లోటు (క్యాడ్), మార్కెట్లో బలహీన డిమాండ్, మౌలిక రంగంలో తగినన్ని పెట్టుబడులు లేకపోవడం వంటి ఇబ్బందుల కారణాలతో భారతదేశంలో ఆర్థిక వ్యవస్థకు క్లిష్ట రోజులు ఇంకా తొలగిపోలేదని కార్పొరేట్లు అభిప్రాయపడుతున్నారు. గత ఏడాది Q3లో కరెంట్ అకౌంట్ లోటు గరిష్టంగా 6.7శాతాన్ని తాకిన సంగతి తెలిసిందే. అధికంగా పెరిగిన కరెంట్ అకౌంట్ లోటుతో దిగుమతులు భారంగా మారనున్నాయని, ఇది ఆర్థిక వ్యవస్థకు ముప్పుగా పరిణమిస్తోందని సర్వేలో పాల్గొన్న 28 శాతం కార్పొరేట్లు ఆందోళన వ్యక్తం చేశారు.

Q3 సర్వేలో 15 శాతం మంది ఈ విధంగా అభిప్రాయపడ్డారు. అదేవిధంగా బ్యాంకులు గనుక తక్షణం వడ్డీరేట్లను తగ్గించకపోతే.. తమ భవిష్యత్ పెట్టుబడులపై తీవ్ర ప్రతికూల ప్రభావం పడుతుందని ఏకంగా 74 శాతం మంది పేర్కొన్నారు. ఇటీవల బంగారం ధరలను పెంచడం ద్వారా ప్రజలను బంగారానికి దూరంగా ఉంచడంతో పాటు దిగుమతుల తగ్గింపు ద్వారా కరెంట్ అకౌంట్ లోటును అరికట్టే భాగంలో ఈ నిర్ణయం తీసుకుందని సమాచారం. బంగారం దిగుమతులపై సుంకం పెంచడం ఆరు నెలల్లో ఇది రెండవసారి. ఈ ఆరు నెలల్లో రెండు దఫాలుగా కేంద్ర ప్రభుత్వం 4 శాతం సుంకాన్ని పెంచింది. బంగారం,ముడిచమురు దిగుమతులు పెరుగుతండటంతో క్యాడ్ పెరుగుతుంది. దీంతో బంగారం దిగుమతులను కట్టడి చేసేందుకు కేంద్ర ప్రభుత్వం, రిజర్వ్ బ్యాంక్ ఆఫ్ ఇండియా (ఆర్‌బీఐ) పలు చర్యలు తీసుకుంటుంది.

వన్ఇండియా మనీ తెలుగు