ముంబై: కేపిటల్ మార్కెట్ విభాగంలో సెక్యూరిటీల లావాదేవీ పన్ను(ఎస్‌టీటీ)ని 0.01 శాతంకు జూన్ 1 నుండి తగ్గిస్తున్నట్లు నేషనల్ స్టాక్ ఎక్స్ఛేంజీ (ఎన్‌ఎస్‌ఈ) నిర్ణయం తీసుకుంది. ప్రస్తుతం ఇది 0.017 శాతంగా ఉంది. ఆర్దిక చట్టం 2013 ప్రకారం ఈ సవరణ చేశారు. 2013 ఫైనాన్స్ బిల్లుకు ఈ నెల 10న రాష్ట్రపతి ప్రణబ్ ఆమోదముద్ర వేయడంతో.. ఎన్‌ఎస్‌ఈ ఎస్‌టీటీని తగ్గించింది. దీనితో పాటు ఈక్విటీల క్రయ విక్రయాలపై పన్ను విధించేలా 2004లో దీనిని అమల్లోకి తీసుకోని వచ్చారు.

ఇక ఫ్యూచర్స్ విభాగంలో సెక్యూరిటీల విక్రయంపై పన్నును 0.017 శాతానికి తగ్గిస్తున్నట్లు ఎన్‌ఎస్‌ఈ విడుదల చేసిన సర్క్యులర్‌లో తెలిపింది. ఈక్విటీ సంబంధిత ఈక్విటీ విక్రయానికి సంబంధించి ఏదైనా గుర్తింపు ఉన్న స్టాక్ ఎక్సేంజ్ లో యూనిట్ విక్రయం డెలివరీకి ఎన్‌టీటీని 0.1 శాతం నుండి 0.001 శాతానికి తగ్గించగా.. కొనుగోలుకు సంబంధించి ప్రస్తుతం ఉన్న 0.1 శాతాన్నే కొనసాగించనున్నారు. ఇది ఇలా ఉంటే ఇతర లావాదేవీలకు సంబంధించి ఎన్‌టీటీ రేటులో ఎలాంటి మార్పు లేదని నేషనల్ స్టాక్ ఎక్స్ఛేంజీ (ఎన్‌ఎస్‌ఈ) స్పష్టం చేసింది.

వన్ఇండియా మనీ తెలుగు