జూలై 31లోగా అందరూ ఆదాయపు పన్ను రిటర్నులు దాఖలు చేయాల్సి ఉండగా నార్తరన్ గ్రిడ్ హాఠాత్తుగా కుప్పకూలడంతో ఈ-ఫైలింగ్ గడువును పెంచుతూ నిర్ణయం తీసుకున్నట్లు కేంద్ర ప్రత్యక్ష పన్నుల బోర్డు ఉన్నతాధికారి ఒక ప్రకటనలో తెలిపారు. సంవత్సరం ఆదాయం రూ.10 లక్షలు దాటిన వారు, విదేశాల్లో ఆస్తులు కలిగి ఉన్న వారు, హిందు అవిభక్త కుటుంబ సభ్యులు ఈ సంవత్సరం నుంచి తప్పనిసరిగా ఆన్‌లైన్ ద్వారానే రిటర్నులు దాఖలు చేయాలన్న నిబంధన విధించిన సంగతి తెలిసిందే.

అలాగే ఆదాయం రూ.60 లక్షలు దాటిన వ్యాపార సంస్థలు, రూ. 15 లక్షల ఆదాయం దాటిన వృత్తి నిపుణులు కూడా ఈ-ఫైలింగ్ ద్వారానే రిటర్నులు దాఖలు చేయాలి. 2011-12 సంవత్సరంలో 1.64 కోట్ల మంది ఆన్‌లైన్ ద్వారా రిటర్నులు దాఖలు చేయగా, ఈ మార్చి నాటికి 1.92 కోట్ల మంది ఈ-ఫైలింగ్ కోసం నమోదు చేసుకున్నారు.

తెలుగు వన్ఇండియా