హైదారాబాద్, జులై 5: స్టేట్‌ బ్యాంక్‌ ఆఫ్‌ ఇండియా(ఎస్‌బిఐ) తమ ఖాతాదారుల సౌకర్యార్ధం ఇన్‌కం టాక్స్‌ రిటర్నులు దాఖలు కోసం ఈ ఫైల్‌ సర్వీసును ప్రారంభించింది. దీని సహాయంతో కస్టమర్స్ ఆన్ లైన్ ద్వారా ఐటీ రిటర్నులు దాఖలు చేసుకోవచ్చు. ప్రస్తుతానికి ఈ సేవలు స్టేట్ బ్యాంక్ ఆఫ్ ఇండియా ఖాతాదారులకు మాత్రమే అందుబాటులోకి తెస్తున్నామని ఒక ప్రకటనులో పేర్కొంది. ఇన్‌కం టాక్స్‌ రిటర్నులు దాఖలు సేవలను అతి తక్కువ చార్జీలతో అందిస్తున్నట్లు స్టేట్‌ బ్యాంక్‌ ఆఫ్‌ ఇండియా తెలిపింది.

ఇందు నిమిత్తం అన్ని ట్యాక్స్‌లతో కలిపి కనిష్టంగా రూ 150ను ఫీజుగా వసూసు చేయనున్నారు. ఈ మొత్తాన్ని ఎస్‌బిఐ ఇంటర్నెట్ బ్యాంకింగ్, డెబిట్, క్రెడిట్ కార్డు ద్వారా చెల్లించవచ్చునని బ్యాంక్ ఆ ప్రకటనలో పేర్కొంది. ఇటీవలే సంవత్సర ఆదాయం రూ 10 లక్షలు దాటిన వారు ఆన్ లైన్ లోనే రిటర్నులు దాఖలు చేయాలన్న నిబంధనను తప్పని సరి చేయడంతో ఆన్ లైన్‌ ద్వారా రిటర్నులు దాఖలు చేసే వారి సంఖ్య బాగా పెరగనుంది.

ఎస్‌బిఐ ఇంట ర్నెట్‌ బ్యాంకింగ్‌ ద్వారా, స్టేట్‌ బ్యాంక్‌ డెబిట్‌ కార్డ్‌ ద్వారా స్వయం ఉపాధి పొందే వారు, ప్రొషెషనల్స్‌ ఈ సేవలను పొందవచ్చు.

తెలుగు వన్ఇండియా