ఈ కొత్త విధానం ద్వారా రిటర్నులు దాఖలు చేయడం, రిఫండ్‌ల సమాచారం తెలుసుకోవడం, కొత్తగా పాన్ కార్డులకు దరఖాస్తు చేసుకోవడం వంటి వాటి కోసం పన్ను చెల్లింపుదారులు ఎక్కడో ఉన్న ఐటీ ఆఫీసులకు వెళ్లాల్సిన శ్రమ తప్పుతుంది. అలాగే, చిన్న నగరాల్లో మొబైల్ వ్యాన్స్‌ను కూడా ఐటీ విభాగం ఏర్పాటు చేయనుంది. పన్ను చెల్లింపుదారులకు సహకరించేందుకు ఈ వ్యాన్స్‌లో ఆదాయ శాఖకు సంబంధించిన సిబ్బంది ఉంటారు.

చిన్న నగరాల్లో ఏర్పాటు చేసే మొబైల్ వ్యాన్లు.. ఇతరత్రా చిన్నస్థాయి పన్ను చెల్లింపుదారులకు ‘సింగిల్ విండో' పద్ధతిలో ఉపయోగపడతాయి. ట్యాక్స్ రిటర్నులు దాఖలు చేసేందుకు వచ్చే నెల 31 ఆఖరు తేది కావడంతో ఈ పరిణామం ప్రాధాన్యం సంతరించుకుంది. గతేడాది ఈ ప్రాజెక్టును చేపట్టామని, ఈ ఏడాది నుంచి దేశవ్యాప్తంగా అమల్లోకి తెస్తున్నామని ఆదాయ పన్ను శాఖ కార్యదర్శి తెలిపారు.

తెలుగు వన్ఇండియా