ప్రసార భారతిలో ఉద్యోగాలు.. రోజుకు వెయ్యి నుండి రూ.1500 జీతం.. డిగ్రీ ఉంటే చాలు..

జర్నలిజం రంగంలో ప్రభుత్వ ఉద్యోగ అవకాశాల కోసం ఎదురుచూస్తున్న యువత కోసం ప్రసార భారతి గొప్ప ఉద్యోగ అవకాశం కల్పిస్తుంది. అవును, ప్రసార భారతి వివిధ జోన్లలో సీనియర్ కరస్పాండెంట్ అండ్ స్ట్రింగర్ పోస్టుల కోసం దరఖాస్తులను ఆహ్వానిస్తుంది. ఈ పోస్టులకు దరఖాస్తు చేసుకోవాలనుకునే అభ్యర్థులు ప్రసార భారతి అధికారిక వెబ్‌సైట్, prasarbharati.gov.inలో ఫామ్‌ నింపి దరఖాస్తు చేసుకోవచ్చు. అభ్యర్థులు సీనియర్ కరస్పాండెంట్ కోసం చివరి తేదీ జనవరి 29లోగా దరఖాస్తు చేసుకోవచ్చు. స్ట్రింగర్ కోసం ఫిబ్రవరి 15లోగా అప్లయ్ చేసుకోవచ్చు.

ప్రసార భారతిలో జీతం
ప్రసార భారతి దూరదర్శన్ కేంద్రం రాయపూర్, వారణాసి, పనాజీ, కోల్ కత్తా, హైదరాబాద్, చెన్నై, బెంగుళూరు, విజయవాడ, తిరువనంతపురం సహా మొత్తం 33 జిల్లాల కోసం ఈ ఖాళీ పోస్టులను విడుదల చేసింది. స్ట్రింగర్‌లకు వారి కవరేజీ ప్రకారం జీతం ఉంటుంది. లోకల్ కవరేజీకి రూ. 1500/- చొప్పున చెల్లిస్తారు. రెండవ కవరేజీకి రూ. 1000 చొప్పున ఇస్తారు. అయితే బయట ప్రాంతాలకు కవరేజీకి రూ. 1800/- చొప్పున చెల్లిస్తారు.

ప్రస్తుత స్ట్రింగర్‌లందరూ కూడా దరఖాస్తులు చేసుకోవచ్చు. ఇప్పటికే దరఖాస్తు చేసుకున్న అభ్యర్థులు మళ్లీ దరఖాస్తు చేసుకోవాల్సిన అవసరం లేదు. అభ్యర్థులు నింపిన దరఖాస్తు ఫామ్‌ను అసిస్టెంట్ డైరెక్టర్ (న్యూస్), ప్రాంతీయ వార్తల విభాగం, దూరదర్శన్ కేంద్రంకు పంపాలి. అలాగే, ప్రాసెసింగ్ ఫీజు రూ.1180 DDO అప్లికేషన్ ఫీజుగా చెల్లించాలి. అభ్యర్థులు అవసరమైతే రిక్రూట్‌మెంట్ అధికారిక నోటిఫికేషన్ నుండి ఇతర వివరాలను చెక్ చేయవచ్చు. ఇంకా ప్రసార భారతి రిక్రూట్‌మెంట్ 2025 అఫీషియల్ నోటిఫికేషన్ PDF డౌన్‌లోడ్ చేసుకోవచ్చు. ప్రాసెసింగ్ ఫీజు ఒకసారి చెల్లించాక రిఫండ్ ఉండదు.

ప్రసార భారతి సీనియర్ కరస్పాండెంట్ అర్హత
ప్రసార భారతి సీనియర్ కరస్పాండెంట్ రిక్రూట్‌మెంట్ కోసం అభ్యర్థులు ఆన్‌లైన్ దరఖాస్తు ఫామ్ నింపాలి. ఈ పోస్ట్ కోసం అభ్యర్థులు గుర్తింపు పొందిన విశ్వవిద్యాలయం, కాలేజ్ నుండి జర్నలిజంలో PG డిగ్రీ/డిప్లొమా పూర్తిచేసి ఉండాలి. అంతేకాకుండా, అభ్యర్థులకు సంబంధిత రంగంలో 5 సంవత్సరాల అనుభవం కూడా ఉండాలి. ఈ ఖాళీ పోస్టుల కోసం అభ్యర్థుల గరిష్ట వయస్సు 45 సంవత్సరాలకు పెంచారు.

ఎంపికైన అభ్యర్థులకు నెల జీతం రూ.80,000 నుంచి రూ.1,25,000 వరకు ఉంటుంది. రెండేళ్లపాటు ఈ పోస్టుకు అభ్యర్థులను ఎంపిక చేస్తారు. ఈ రిక్రూట్‌మెంట్‌కు సంబంధించిన ఏదైనా ఇతర సమాచారం కోసం అభ్యర్థులు ప్రసార భారతి అధికారిక వెబ్‌సైట్‌ https://prasarbharati.gov.in/pbvacancies/ చూడాలని సూచించారు.