ఉద్యోగాల వరద.. పెద్ద ఐటీ కంపెనీల క్యాంపస్ సెలక్షన్స్.. ఫ్రెషర్లకి జాతరే..

దేశంలోని ఐటీ కంపెనీలు తాజాగా మూడో త్రైమాసిక ఫలితాలను విడుదల చేశాయి. దీనితో పాటు వచ్చే ఆర్థిక సంవత్సరంలో క్యాంపస్ నియామకాల గురించి కూడా సమాచారం అందించాయి. అయితే ఈ కంపెనీలు వచ్చే ఆర్థిక సంవత్సరంలో దాదాపు వేల మంది ఫ్రెషర్లను నియమించుకోవాలని యోచిస్తున్నట్లు వెల్లడించాయి.

దింతో ఉపాధి రంగంలో మళ్ళీ ఉద్యోగావకాశాలు వెల్లువెత్తుతున్నాయి. రెండు ప్రముఖ ఐటీ కంపెనీలు వచ్చే ఆర్థిక సంవత్సరంలో క్యాంపస్‌లో దాదాపు 32 వేల మందిని రిక్రూట్ చేసుకోవాలని ప్లాన్ చేస్తున్నట్లు తెలిపాయి. వీటిలో ఇన్ఫోసిస్ 2026 ఆర్థిక సంవత్సరంలో 20 వేల మంది ఫ్రెషర్లను నియమించాలని యోచిస్తుండగా, విప్రో 10 వేల నుండి 12 వేల మంది ఫ్రెషర్లను నియమించుకోవాలని యోచిస్తోంది. తాజాగా శుక్రవారం మూడో త్రైమాసిక ఫలితాలను ప్రకటించిన సందర్భంగా విప్రో ఈ విషయాన్ని వెల్లడించింది. దీని బట్టి చూస్తే సుమారు అనేక రంగాలలో డిమాండ్ తిరిగి ఊపందుకుంటుందని సూచిస్తుంది.

విప్రో చీఫ్ హ్యూమన్ రిసోర్సెస్ ఆఫీసర్ సౌరభ్ గోవిల్ మాట్లాడుతూ కంపెనీ ప్రతి సంవత్సరం 10 వేల-12 వేల మంది ఫ్రెషర్లను రిక్రూట్ చేసుకుంటుందని తెలిపారు. ఈ ఏడాది కూడా 10 వేల మంది ఫ్రెషర్లను క్యాంపస్‌ నుంచి రిక్రూట్‌ చేసుకోనున్నట్లు తెలిపారు. మూడవ త్రైమాసికంలో, కంపెనీ క్యాంపస్ నుండి సుమారు 7 వేల రిక్రూట్‌మెంట్‌లను చేసింది. వచ్చే త్రైమాసికంలో 2,500-3 వేల మందిని రిక్రూట్ చేసుకోవాలనేది ప్రణాళిక. ఉద్యోగావకాశాలు ఉన్నంత వరకు మాత్రమే ఆఫర్లు ఇస్తున్నామని తెలిపారు. మేము మంచి గుణపాఠం నేర్చుకున్నాము, ఇప్పుడు మేము పూర్తి జాగ్రత్తతో ముందుకు సాగుతున్నాము అని అన్నారు. బెంగళూరు హెడ్ ఆఫీస్ కంపెనీ ప్రతి త్రైమాసికంలో 2,500-3 వేల మంది ఫ్రెషర్లను నియమించుకోవడం కొనసాగిస్తుందని ఆయన గుర్తు చేశారు. నాణ్యతా ప్రమాణాలను నిర్వహించడానికి ఇంకా కొత్త నియామకాలు IT పరిశ్రమ అభివృద్ధి చెందుతున్న డిమాండ్‌లకు సరిపోతాయో లేదో చూడటానికి రీఅసెస్‌మెంట్ ప్రక్రియను ప్రవేశపెట్టినట్లు సౌరభ్ గోవిల్ హైలైట్ చేశారు.

రెగ్యులర్ నియామకం
మా మార్జిన్‌లను పెంచడానికి ఉద్యోగుల వినియోగ రేట్లను మెరుగుపరచడంపై దృష్టి సారించేందుకు విప్రో తన క్యాంపస్ నియామక నమూనాలను సమీక్షిస్తోంది. గత రెండు సంవత్సరాలలో స్టాప్-స్టార్ట్ విధానం తర్వాత, కంపెనీ పెండింగ్‌లో ఉన్న అన్ని ఆఫర్‌లను పూర్తి చేసి రెగ్యులర్ నియామకాన్ని తిరిగి ప్రారంభించిందని సౌరభ్ గోవిల్ చెప్పారు. తాజా స్థాయి నియామకాల కోసం కంపెనీ ఆర్టిఫిషియల్ ఇంటెలిజెన్స్ సహాయం తీసుకుంటోందని కూడా అన్నారు.