బ్యాలెన్స్‌డ్ మ్యూచువ‌ల్ ఫండ్లు

మ్యూచువ‌ల్ ఫండ్లు అన‌గానే చాలా మంది ఈక్విటీ, డెట్ మ్యూచువ‌ల్ ఫండ్ల పెట్టుబ‌డుల గురించే ఆలోచిస్తారు. మొద‌టిసారి రిస్క్ తీసుకునే వారు ఈక్విటీ మ్యూచువ‌ల్ ఫండ్ల వైపు మొగ్గుచూపుతారు. అయితే రిస్క్ కాస్త మాత్ర‌మే తీసుకున్నా హైబ్రిడ్ ఇన్వెస్ట్‌మెంట్ లాగా ఉండాలంటే మాత్రం బ్యాలెన్స్‌డ్ ఫండ్లే మార్గం. ఇక్క‌డ రిట‌ర్నులు నామ‌మాత్రంగా ఉండ‌టంతో పాటు, పెట్టుబ‌డుల వైవిధ్యీక‌ర‌ణ‌కు చోటు ద‌క్కుతుంది. బ్యాలెన్స్‌డ్ ఫండ్ పెట్టుబ‌డుల‌ను ఈక్విటీ, డెట్ రెండింటిల‌నూ ఉంచుతారు. దీంతో ఈక్విటీ వాటా కార‌ణంగా ఎన్ఏవీ విలువ త‌గ్గినా, డెట్ పెట్టుబ‌డుల వ‌ల్ల దాన్ని స‌రిదిద్దేందుకు వీలు క‌లుగుతుంది.

Balanced mutual funds

బ్యాలెన్స్‌డ్ ఫండ్‌లో ఆస్తుల కేటాయింపు
ఈక్విటీ ఫండ్ల‌లో 65% వాటాను, డెట్ ఫండ్ల‌లో మిగిలిన పెట్టుబ‌డుల‌ను పెట్టి బ్యాలెన్స్‌డ్ ఫండ్ల‌ను స‌మ‌తూకంగా ఉండేలా చూస్తారు. ఈక్విటీలో 65% వాటా ఉన్న కార‌ణంగా కాస్త రిస్క్ ఉంటుంది. దీన్ని డెట్ హోల్డింగ్ ద్వారా బ్యాలెన్స్ చేస్తారు. ఎక్కువ కాలం నుంచి ఉండే బ్యాలెన్స్‌డ్ ఫండ్లు కాస్త ఆశాజ‌న‌క‌మైన రాబ‌డుల‌నే ఇస్తాయి. ఎప్ప‌టిక‌ప్పుడు ఫండ్ మేనేజ‌ర్లు ఈక్విటీ: డెట్ వాటాను 65:35 శాతం ఉండేలా చూసుకుంటూ ఉంటారు.