ఇందులో ఇన్వెస్ట్ చేస్తే మూడేళ్లలో రూ.1 లక్షకు పైనా వడ్డీ వస్తుంది
బజాజ్ ఫైనాన్స్ ఆన్లైన్ FDలో పెట్టుబడి పెట్టడం ద్వారా వడ్డీ ద్వారా అధిక రాబడిని ఆశించవచ్చు. బజాజ్ ఫైనాన్స్ కార్యాలయానికి వెళ్లకుండానే నేరుగా ఆన్ లైన్ ద్వారా ఫిక్స్డ్ డిపాజిట్ చేయవచ్చు. సంపాదన ప్రారంభమైనప్పటి నుండే పొదుపు పైన దృష్టి సారించడం మంచిది. అలా అయితే మీ రిటైర్మెంట్ సమయానికి లేదా మీ టార్గెట్ రీచ్ కావడానికి ఉపయోగపడుతుంది.
పెట్టుబడి పెట్టడానికి అనేక పథకాలు ఉన్నాయి. అయితే తక్కువ రిస్క్ కలిగిన స్కీమ్స్ ఎంచుకోవడం మంచిదని నిపుణులు సూచిస్తారు. ఇలా కచ్చితమైన రాబడిని ఇచ్చే వాటిలో ఫిక్స్డ్ డిపాజిట్ ఒకటి. బజాజ్ ఫైనాన్స్ ఆన్ లైన్ FDలో పెట్టుబడి పెట్టవచ్చునని సూచిస్తున్నారు. ఈ డిపాజిట్స్ పైన సీనియర్ సిటిజన్స్ బేస్ రేటు 0.25 శాతం అదనంగా ఉంటుంది. ఆన్లైన్ దరఖాస్తుదారుకు 0.10 శాతం అదనపు వడ్డీ రేటు ఉంటుంది.
ఫిక్స్డ్ డిపాజిట్ పైన బజాజ్ ఫైనాన్స్ ఆన్లైన్ FDపై మూడేళ్ల కాలపరిమితిపై 6.60 శాతం వడ్డీ రేటు వస్తుంది. రూ.5 లక్షలు ఇన్వెస్ట్ చేస్తే 6.6 శాతం వడ్డీతో మెచ్యూరిటీ తర్వాత రూ.6.05 లక్షలు వస్తుంది. అదే సమయంలో పోస్టాఫీస్ FDలో రూ.5 లక్షలు ఇన్వెస్ట్ చేస్తే మూడేళ్ల తర్వాత 5.5 శాతం వడ్డీ రేటుతో రూ.5.89 లక్షలు, బ్యాంకు FDపై అదే కాలానికి 5 శాతం వడ్డీతో రూ.5.80 లక్షలు వస్తుంది. అంటే ఈ కాలపరిమితిలో బ్యాంకు FDలో వచ్చే వడ్డీ రూ.80వేలు, పోస్టాఫీస్ FDలో రూ.89 వేలు, బజాజ్ ఫైనాన్స్ ఆన్లైన్ FDలో రూ.1.05 వడ్డీ అందుతుంది.