Fixed Deposit: ఈ బ్యాంకులో ఫిక్స్‌డ్ డిపాజిట్ చేస్తే 7.75% వడ్డీ.. స్పెషల్..

Fixed Deposit: గత కొన్ని నెలలుగా రిజర్వ్ బ్యాంక్ ఆఫ్ ఇండియా రెపో రేట్లను పెంచుతూపోవటం వల్ల చిన్న పొదుపరులకు లాభదాయకంగా మారింది. గతంలో పొందుతున్న వడ్డీ కంటే ఎక్కువ ఆదాయం సంపాదించేందుకు డిపాజిటర్లకు ఇదొక జాక్‌పాట్ అని చెప్పుకోవచ్చు.

యస్ బ్యాంక్..

ప్రైవేట్ రంగంలోని యస్ బ్యాంక్ అక్టోబర్ 12 నుంచి కొత్త ప్రత్యేక ఫిక్స్‌డ్ డిపాజిట్ పథకాన్ని ప్రవేశపెట్టింది. ఈ పిక్సెట్ డిపాజిట్ స్కీమ్ రూ.2 కోట్ల కంటే తక్కువ ఉన్న పిక్సెట్ డిపాజిటర్లకు మాత్రమే వర్తిస్తుందని కంపెనీ వెల్లడించింది. సాధారణ ప్రజలకు గరిష్ఠంగా 6.75% వడ్డీ రేటును అందిస్తోంది. సీనియర్ సిటిజన్ల విషయంలో బ్యాంక్ 7.50% వడ్డీని అందిస్తున్నట్లు ప్రకటించింది.

స్పెషల్ వడ్డీ రేటు..

రిజర్వు బ్యాంక్ రేట్లను సవరించిన ప్రతిసారీ బ్యాంకులు ఎఫ్డీ రేట్లలో మార్పులు ప్రకటించటం మనం ఇప్పుటి వరకు చూశాం. అయితే తాజాగా యెస్ బ్యాంక్ తెచ్చిన ప్రత్యేక ఫిక్స్‌డ్ డిపాజిట్ స్కీమ్ మాత్రం 20 నుంచి 22 నెలల కాలపరిమితిని కలిగి ఉంటుంది. ఈ పథకంలో డబ్బు పొదుపు చేసుకునే సాధారణ కస్టమర్లకు 7.25% వడ్డీని, సీనియర్ సిటిజన్ కస్టమర్లకు 7.75% వడ్డీని చెల్లిస్తామని బ్యాంక్ తెలిపింది.

తాజా వడ్డీ రేట్ల వివరాలు..

7-14 రోజులకు ఫిక్స్‌డ్ డిపాజిట్లపై 3.25%

15-45 రోజులకు ఫిక్స్‌డ్ డిపాజిట్లపై 3.70%

46-90 రోజులకు ఫిక్స్‌డ్ డిపాజిట్లపై 4.10%

3-6 నెలలకు ఫిక్స్‌డ్ డిపాజిట్లపై 4.75%

6-9 నెలలకు ఫిక్స్‌డ్ డిపాజిట్లపై 5.50%

9-12 నెలలకు ఫిక్స్‌డ్ డిపాజిట్లపై 5.75%

12-18 నెలలకు ఫిక్స్‌డ్ డిపాజిట్లపై 6.25%

18-120 నెలలకు ఫిక్స్‌డ్ డిపాజిట్లపై 6.75%

సీనియర్ సిటిజన్లకు ఆసక్తి..

యెస్ బ్యాంక్ సీనియర్ సిటిజన్‌లకు 7 రోజుల నుంచి 36 నెలల మధ్య మెచ్యూర్ అయ్యే పెట్టుబడులపై 50 బేసిస్ పాయింట్ల అదనపు వడ్డీ రేటును అందిస్తోంది. దీనికి తోడు 36 నెలల నుంచి 120 నెలల మధ్య మెచ్యూర్ అయ్యే పెట్టుబడి డిపాజిట్లపై 75 బేసిస్ పాయింట్ల అదనపు వడ్డీ రేటును అందించటం చాలా మంది సీనియర్ సిటిజన్లను ఆకర్షిస్తోంది. ప్రస్తుత ద్రవ్యోల్బణ సమయంలో రూపాయి కొనుగోలు శక్తి తగ్గుతున్న సమయంలో ఈ పెరిగిన రేట్లు మరింత లాభాన్ని అందిస్తుంది.