భార్య పేరుతో ప్రాపర్టీ కొనుగోలు చేస్తే మీరు ఎన్ని లక్షల వరకు డబ్బు ఆదా చేసుకోవచ్చో తెలుసా?

ఇండియాలో చాలా మంది భూమి, ఇంట్లో ఉన్నా మగవారి పేరు మీద కొనుగోలు చేస్తారు. ఇది సంప్రదాయమో, అలవాటు లేదా భర్తలను ఆర్థిక నిర్ణయాల్లో ప్రధాన వ్యక్తిగా భావించడం వల్లన్నో ఎమో. కానీ, నిజానికి భార్య పేరు మీద ఆస్తి కొనుగోలు చేయడం కేవలం సింబాలిక్‌ మాత్రమే కాకుండా, చాలా స్మార్ట్ ఆర్థిక నిర్ణయం కావచ్చు. ఇది స్టాంప్ డ్యూటీ, వడ్డీ, టాక్స్ లాభాలు మరియు చట్టపరమైన రక్షణను కూడా అందిస్తుంది.

భారత దేశంలోని చాలా రాష్ట్రాల్లో, మహిళలకు స్టాంప్ డ్యూటీ పై పురుషుల కంటే సాధారణంగా 1-2% తక్కువగా ఉంటుంది. అంటే, రూ. 3 కోట్ల విలువ గల్ల ఆస్తి పై మాత్రమే సుమారు రూ. 6 లక్షల వరకు తక్షణంగా ఆదా చేయవచ్చు. కేవలం ఖాతాదారుల కోసం కాకుండా, ఇది మీ పెట్టుబడి వ్యూహానికి కూడా వ్యూహాత్మక లాభం ఇస్తుంది.

ఇన్వెస్ట్‌మెంట్ బ్యాంకర్ సార్థక్ అహుజా ఒక లింక్డ్ఇన్ పోస్ట్‌లో, భార్య పేరుతో ఆస్తి కొనుగోలు చేయడం ద్వారా పెద్ద మొత్తంలో డబ్బు ఆదా చేయడం, చట్టపరమైన ప్రయోజనాలు పొందడం సాధ్యమని కొన్ని ముఖ్యమైన కారణాలు చెప్పారు. మొదట, మహిళలకు స్టాంప్ డ్యూటీ తక్కువగా ఉంటుంది. అదనంగా, జంటలు సగం షేర్లను భార్య పేరులో పెట్టడం ద్వారా జాయింట్ ఓనర్షిప్ తీసుకొని 1% వరకు అదనపు స్టాంప్ డ్యూటీ ఆదా చేసుకోవచ్చు.

రెండవది, బ్యాంకులు మహిళలకు 0.5%-1% తక్కువ వడ్డీ రేట్లు ఇస్తాయి. ప్రధాన మంత్రీ ఆవాస్ యోజన (PMAY) స్కీమ్ కూడా మహిళా హోమ్ బయ్యర్స్‌కు వడ్డీ పై సబ్సిడీ ఇస్తుంది. దీన్ని మొత్తం లోన్ కాలపరిమితిలో కలిపితే, సుమారు రూ. 10 లక్షల వరకు అదనపు ఆదా చేయవచ్చు.

మూడవది, భార్య మరియు భర్త ఇద్దరూ ఆస్తి జాయింట్‌గా కొనుగోలు చేస్తే, హోమ్ లోన్ పై పన్ను లాభాలు ఎక్కువగా వస్తాయి. ఆస్తి ఒక్కోరి పేరులో ఉంటే, కేవలం ఆ ఒక్కరు మాత్రమే ప్రధాన చెల్లింపుల కోసం సెక్షన్ 80C కింద తగ్గింపు పొందగలరు. కానీ జాయింట్ ఓనర్ అయితే, భార్య మరియు భర్త ఇద్దరూ తమ చెల్లింపుల మేరకు వేర్వేరు తగ్గింపులు పొందగలరు. దీని వల్ల మొత్తం తగ్గింపు మొత్తం పన్ను ఆదా పెరుగుతుంది.

అలాగే, హోమ్ లోన్ వడ్డీపై కూడా లాభం రెట్టింపు అవుతుంది. సెక్షన్ 24(b) కింద, సింగిల్ ఓనర్ కేవలం రూ. 2,00,000 వరకు తగ్గింపు పొందగలరు. కానీ జాయింట్ ఓనర్ అయితే, వడ్డీ మొత్తాన్ని వారిద్దరమూ తమ షేర్ ప్రకారం తగ్గింపు కోసం క్లెయిమ్ చేయవచ్చు. ఉదాహరణకి, వడ్డీ ₹3,00,000 ఉంటే, భార్య మరియు భర్త 50-50 అయితే, ఒక్కోరు రూ. 1,50,000 తగ్గింపు పొందగలరు. ఇలా మొత్తం పన్ను ఆదా పెరుగుతుంది.

నాలుగవది, భర్త వ్యాపారం చేస్తున్నవాడు కాబట్టి అప్పులు ఉండే అవకాశం ఉంటుంది. అలాంటప్పుడు క్రెడిటర్స్ అప్పు ఇచ్చిన వారు భర్త పేరు మీద ఉన్న ఆస్తిని మాత్రమే తీసుకోవచ్చు. కానీ, ఆ ఇల్లు లేదా ప్రాపర్టీలో భార్య కూడా సహ-ఒనర్‌గా ఉంటే, ఆమె పేరు మీద ఉన్న భాగాన్ని వాళ్లు తాకలేరు. అంటే, భర్త వ్యాపార రిస్క్‌ల వల్ల వచ్చిన సమస్యల నుంచి భార్యకు ఉన్న వాటా సేఫ్‌గా ఉంటుంది.

కానీ ఇక్కడ ఒక ముఖ్యమైన జాగ్రత్త తీసుకోవాలి. భార్య పేరులో ఆస్తి ఉన్నా, ఆమె ఆ ఆస్తిని కొనుగోలు చేయడానికి లేదా లోన్ తిరిగి చెల్లించడానికి ఎలాంటి ఆర్థిక సహకారం చేయకపోతే, ఆ ప్రాపర్టీ నుంచి వచ్చే రెంటల్ ఆదాయం నిజానికి భర్త ఆదాయంగా పరిగణించబడుతుంది. అంటే, ఇన్‌కమ్ ట్యాక్స్ డిపార్ట్‌మెంట్ దాన్ని భార్య ఆదాయంగా కాకుండా భర్త ఆదాయంగా కలుపుతుంది. దీంతో భర్త ట్యాక్స్ లయబిలిటీ పెరిగే అవకాశం ఉంటుంది. అందువల్ల కేవలం రక్షణ కోసం లేదా పేరుకి మాత్రమే భార్యను సహ-ఒనర్‌గా పెట్టడం సరిపోదు. ఆమె కూడా కొంత ఆర్థిక సహకారం చేయడం, లోన్ రీపేమెంట్‌లో భాగం పంచుకోవడం లేదా మొదటి ఇన్వెస్ట్మెంట్‌లో వాటా పెట్టడం అవసరం. అలా చేస్తేనే ట్యాక్స్ పరంగా కూడా సరైన లాభాలు వస్తాయి.

చివరగా భార్య పేరులో ఆస్తి కొనుగోలు చేయడం కేవలం ఒక ఫార్మాలిటీ లేదా ప్రతీకాత్మక చర్య కాదు. ఇది ఒక తెలివైన ఆర్థిక నిర్ణయం. భార్య పేరులో ఆస్తి కొనడం అనేది స్మార్ట్ ఇన్వెస్ట్మెంట్ మాత్రమే కాదు, భవిష్యత్తులో ఫైనాన్షియల్ సెక్యూరిటీకి కూడా మంచి నిర్ణయం అవుతుంది.