నిన్న పతనం.. ఈ నెలలో ఎగిసిపడుతున్న క్రిప్టో కరెన్సీలివే..

గత ఏడాది కరోనా కారణంగా భారీగా ఎగిసిన క్రిప్టో కరెన్సీలు ఈ ఏడాది ప్రారంభంలోను పెరిగాయి. కానీ టర్కీ, చైనా వంటి దేశాల కీలక నిర్ణయాలు, ఎలాన్ మస్క్ ప్రకటనలు బిట్ కాయిన్ సహా ఇతర క్రిప్టోకరెన్సీలకు చుక్కలు చూపించాయి. దీంతో క్రిప్టో మార్కెట్ గత కొంతకాలంగా దారుణంగా పతనమైంది. ఇటీవలి కాలంలో బిట్ కాయిన్ వంటి క్రిప్టోలు క్షీణించినప్పటికీ, పూర్తి ఏడాది కాలానికి భారీగానే పెరిగాయి. 2021లోను ఆశాజనకంగా ఉండవచ్చునని క్రిప్టో మార్కెట్ నిపుణులు చెబుతున్నారు.

బిట్ కాయిన్, ఎథేరియం

- జూన్ నెలలో క్రిప్టోకింగ్ బిట్ కాయిన్ ఫ్లక్చువేట్ అయింది. ప్రపంచంలోనే అతిపెద్ద క్రిప్టో ఇది. దీని మార్కెట్ క్యాప్ గత నెల అంటే జూన్ 22న ఏకంగా 29,337 డాలర్ల స్థాయికి పడిపోయింది. జూలై నెల నుండి క్రమంగా కాస్త పుంజుకుంటోంది. ప్రస్తుతం రూ.34,380 డాలర్ల వద్ద ఉంది.

- ఎథేరియం వరల్డ్ సెకండ్ బిగ్గెస్ట్ క్రిప్టో కరెన్సీ. జూన్ 22న ఇది 1733 డాలర్లకు పడిపోయింది. జూలై నెలలో క్రమంగా పుంజుకొని, 2356 డాలర్ల వద్ద ట్రేడ్ అయింది. ప్రస్తుతం 2258 డాలర్ల వద్ద ట్రేడ్ అవుతోంది.

బెస్ట్ 5 క్రిప్టోల్లో...

- బెస్ట్ 5 క్రిప్టోల్లో కార్డానో ఉంటుంది. జూన్ నెలలో ఇది 1.0203 డాలర్ల వద్ద ట్రేడ్ అయింది. జూలై నెలలో తిరిగి పుంజుకొని 1.492 వరకు వెళ్లింది. నేడు 1.42 డాలర్ల వద్ద ట్రేడ్ అయింది.

- రిప్పిల్ క్రిప్టో జూన్ 5వ తేదీన 0.9937 డాలర్లు పలికింది. ఆ తర్వాత 0.86 డాలర్ల నుండి 0.84 డాలర్ల మధ్య కదలాడింది. జూన్ 22న 0.52 డాలర్ల స్థాయికి పతనమైంది. ప్రస్తుతం 0.70 డాలర్ల వద్ద ఉంది.

- పోల్కాడాట్ జూన్ నెలలో 20 డాలర్ల నుండి 25 డాలర్ల మధ్య కదలాడింది. ఆ తర్వాత 13 డాలర్లకు పడిపోయింది. ప్రస్తుతం 16 డాలర్ల వద్ద ఉంది.

ఇవి కూడా...

- యునీస్వాప్ భారీగా ఎగిసిపడుతోంది. జూన్ నెలలో ఇది 14.28 డాలర్ల మధ్య కదలాడింది. జూలలో 21.48 డాలర్లకు ఎగిసిపడింది. ప్రస్తుతం 20.32 డాలర్ల వద్ద కదలాడుతోంది.

- చైన్ లింక్ క్రిప్టోకరెన్సీ జూన్ నెలలో 20 డాలర్ల నుండి 25 డాలర్ల మధ్య కదలాడింది. తర్వాత 15.26 డాలర్లకు పతనమైంది. క్రమంగా ఎగిసి 19.84 డాలర్ల వద్ద ట్రేడ్ అయింది.