ఈ స్కిం మహిళలకు మాత్రమే.. వడ్డీకి వడ్డీ.. కొద్దిరోజులే ఛాన్స్ మిస్సవకండి..

దేశంలోని సగం జనాభా అంటే మహిళలకు మెరుగైన ఆర్థిక భద్రత కల్పించేందుకు ప్రభుత్వం నిరంతరం కృషి చేస్తోంది. అలాగే మహిళల అవసరాలకు అనుగుణంగా ఎప్పటికప్పుడు కొత్త కొత్త పొదుపు పథకాలను తీసుకువస్తోంది. గతేడాది బడ్జెట్‌లో కూడా ప్రభుత్వం అద్భుతమైన పొదుపు పథకాన్ని 'మహిళా సమ్మాన్ బచత్ యోజన' ప్రవేశపెట్టింది. ముఖ్యంగా మహిళలు అలాగే బాలికలను దృష్టిలో ఉంచుకుని దీనిని ప్రవేశపెట్టారు. ఈ పొదుపు పథకంతో మీరు 2 సంవత్సరాల లాక్ ఇన్‌తో బ్యాంక్ ఫిక్స్డ్ డిపాజిట్ కంటే ఎక్కువ రిటర్న్స్ పొందుతున్నారు. మహిళా సమ్మాన్ సేవింగ్స్ స్కీమ్‌లో పెట్టుబడి పెట్టడానికి చివరి తేదీ 31 మార్చి 2025. అయితే ఈ సేవింగ్ స్కీమ్ ఫీచర్లు, లాభాలు తెలుసుకుందాం...

7.5% చొప్పున వడ్డీ లభిస్తుంది
మహిళా సమ్మాన్ సేవింగ్స్ స్కీమ్ కింద, డిపాజిట్ చేసిన మొత్తంపై సంవత్సరానికి 7.5% చొప్పున వడ్డీ లభిస్తుంది. త్రైమాసిక ప్రాతిపదికన వడ్డీని అసలుతో కలుపుతారు. దీనిని డైరెక్ట్ గా మీ అకౌంట్లో జమ చేయబడుతుంది. అకౌంట్ క్లోసింగ్ సమయంలో అసలుతో వడ్డీ మొత్తం కలిపి అందిస్తారు. ఈ పథకంపై చెల్లించే వడ్డీ ప్రస్తుతం 2 సంవత్సరాల బ్యాంక్ FD కంటే ఎక్కువ. ఉదాహరణకు, SBI సాధారణ కస్టమర్లకు 6.80% ఇంకా సీనియర్ సిటిజన్లకు 7.30% చొప్పున రెండేళ్ల FDపై వడ్డీని అందిస్తోంది. అలాగే హెచ్‌డిఎఫ్‌సి బ్యాంక్ సాధారణ కస్టమర్లకు 7.00% అలాగే సీనియర్ సిటిజన్‌లకు 7.50% చొప్పున వడ్డీని ఇస్తోంది.

ఎవరు పెట్టుబడి పెట్టవచ్చు?
మహిళా సమ్మాన్ సేవింగ్స్ స్కీమ్‌లో పెట్టుబడి పెట్టేందుకు ఒక మహిళ తన పేరుతో లేదా మైనర్ బాలిక తరపున గార్డియన్ ద్వారా అకౌంట్ ఓపెన్ చేయవచ్చు.

పెట్టుబడి పెట్టడానికి అత్యధిక మొత్తం ఎంత అంటే ?
ఈ సేవింగ్స్ పథకం కనీస పెట్టుబడి పరిమితి రూ. 1,000 నుండి గరిష్టంగా రూ. 2 లక్షలు. అకౌంట్ ఓపెన్ చేయడానికి దరఖాస్తుదారులు అకౌంట్ ఓపెనింగ్ ఫామ్, KYC డాక్యుమెంట్లు (ఆధార్ ఇంకా పాన్ కార్డ్), కొత్త కస్టమర్ల కోసం KYC ఫామ్ ఇంకా డిపాజిట్ చేసిన మొత్తం లేదా చెక్‌తో పాటు పే-ఇన్ స్లిప్‌ మీ దగ్గరలోని పోస్టాఫీసు లేదా బ్యాంక్ బ్రాంచ్‌లో సబ్మిట్ చేయాలి. తరువాత మీ అకౌంట్ ఓపెన్ అవుతుంది.

మహిళా సమ్మాన్ సేవింగ్స్ స్కీమ్ కస్టమర్ అకౌంట్ ఓపెన్ చేసిన తేదీ నుండి ఒక సంవత్సరం తర్వాత పెట్టుబడి పెట్టిన మొత్తంలో 40% వరకు విత్‌డ్రా చేసుకోవచ్చు. ఒకవేళ కస్టమర్ మరణించిన లేదా కస్టమర్ తీవ్ర అనారోగ్యంతో లేదా అకౌంట్ హోల్డర్ సంరక్షకుడు మరణం కారణాలపై అకౌంట్ ముందగానే క్లోజ్ చేసుకోవచ్చు.