నేటి నుండి 4 రోజులు SBI బంపరాఫర్, భారీ డిస్కౌంట్, క్యాష్ బ్యాక్
ప్రభుత్వరంగ దిగ్గజం స్టేట్ బ్యాంక్ ఆఫ్ ఇండియా(SBI) తన కస్టమర్లకు అద్భుతమైన షాపింగ్ కార్నివాల్ను ప్రకటించింది. ఆదివారం (ఏప్రిల్ 4వ తేదీ) నుండి నాలుగు రోజుల పాటు అందుబాటులో ఉంటుంది. యోనో యాప్ ఆధారిత ఈ-షాపింగ్ కార్నీవాల్ను అకౌంట్ హోల్డర్లు ఉపయోగించుకోవచ్చు. ఇందుకు అనుగుణంగా ఎస్బీఐ ఈ కార్నీవాల్కు యోనో సూపర్ సేవింగ్ డేస్ అని పేరు పెట్టింది. ఇది మూడో ఎడిషన్ యోనో సూపర్ సేవింగ్ డేస్. ఈ నాలుగు రోజుల పాటు ఎస్బీఐ బ్యాంకింగ్, లైఫ్ స్టైల్ ప్లాట్ఫాం ద్వారా మంచి డిస్కౌంట్లు, క్యాష్ బ్యాక్ ఆఫర్స్ ఉన్నట్లు తెలిపింది.
ఎప్పటి నుండి ఎప్పటి వరకు
ఎస్బీఐ యోనో సూపర్ సేవింగ్ డేస్ ఆఫర్ నేడు (ఆదివారం) ప్రారంభమై, ఏడో తేదీన ముగుస్తుంది. తమ ఖాతాదారులు ఎస్బీఐ బ్యాంకింగ్ అండ్ లైఫ్ స్టైల్ ప్లాట్ఫామ్ యోనో ద్వారా వివిధ రకాల డిస్కౌంట్ల్, క్యాష్ బ్యాక్ ఆఫర్లు సొంతం చేసుకోవచ్చు. ఈ ఏడాదిలో ఎస్బీఐ షాపింగ్ కార్నివాల్ను అందుబాటులోకి తీసుకు రావడం ఇది మూడోసారి. ఇంతకుముందు గత నెలలో నాలుగో తేది నుండి ఏడో తేదీ వరకు ఈ ఆఫర్ ఇచ్చింది.
వాటితో జట్టు
ఆదివారం నుండి నాలుగు రోజుల పాటు సాగే యోనో షాపింగ్ సూపర్ సేవింగ్స్ డేస్ కార్నీవాల్లో ఖాతాదారులు ప్రయాణం, ఆతిథ్యం, హెల్త్, ఆన్లైన్ షాపింగ్స్లో ఉత్తమ సేవలు అందుకోవచ్చు. 3.6 కోట్ల మంది ఖాతాదారులకు సేవలు అందించే లక్ష్యంతో ఎస్బీఐ ఈ షాపింగ్ కార్నీవాల్ను నిర్వహిస్తోంది. ఇందుకు ఎస్బీఐ యోనో యాప్ పలు టాప్ మర్చంట్స్తో భాగస్వామ్యం కుదుర్చుకుంది. అమెజాన్, అపోలో, ఓయో, ఈజీ మై ట్రిప్, ఎట్ హోమ్ వంటి సంస్థలతో జత కట్టింది.
డిస్కౌంట్
హోటల్ బుకింగ్, ఫ్లయిట్ బుకింగ్, హెల్త్ కేటగిరీల్లో బుకింగ్స్ పైన 50 శాతం, అమెజాన్లో ఎంపిక చేసిన కేటగిరీ వస్తువులను కొనుగోలు చేస్తే పది శాతం డిస్కౌంట్ పొందవచ్చు. ఎస్బీఐకి దేశవ్యాప్తంగా 22000 వేలకు పైగా బ్రాంచీలు ఉన్నాయి. 58,000కు పైగా ఏటీఎం, సీడీఎం నెట్ వర్క్ సెంటర్స్ ఉన్నాయి. మొత్తం బీసీ ఔట్ లెట్స్ 71000కు పైగా ఉన్నాయి.