SBI Home Loan Offer: హోమ్ లోన్ ప్రాసెసింగ్ ఫీజు మాఫీ

| Published: Sunday, August 1, 2021, 13:07 [IST]

ప్రభుత్వరంగ దిగ్గజం స్టేట్ బ్యాంక్ ఆఫ్ ఇండియా(SBI) హోమ్ లోన్ పైన ప్రాసెసింగ్ ఫీజును రద్దు చేసింది. ఇది ఆగస్ట్ చివరి నాటికి రుణాలు తీసుకునే వారికి వర్తిస్తుందని వెల్లడించింది. ప్రస్తుతం హోమ్ లోన్ మొత్తంపై 0.40 శాతం వరకు ఈ ప్రాసెసింగ్ ఫీజును బ్యాంకు వసూలు చేస్తోంది. మాన్‌సూన్ ధమాకా ఆఫర్ పేరుతో ఈ ఛార్జీని పరిమిత కాలంపాటు రద్దు చేస్తున్నట్లు తెలిపింది.

ప్రస్తుతం తమ బ్యాంకు హోమ్ లోన్ వడ్డీ రేట్లు 6.70 శాతమేనని, సొంతిల్లు కోసం చూస్తున్న వారికి ఇప్పుడు మంచి అవకాశంగా ఎస్బీఐ పేర్కొంది. ప్రస్తుతం తమ బ్యాంకు హోమ్ లోన్ వడ్డీ రేట్లు 6.70 శాతంగా ఉన్నాయని, సొంతిల్లు కోసం చూస్తున్న వారికి ఇది మంచి అవకాశంగా ఎస్బీఐ పేర్కొంది.

యోనో యాప్ ద్వారా రాయితీ

ప్రాసెసింగ్ ఫీజును రద్దు చేయడం వల్ల రుణాలు తీసుకునే వారి పైన కొంత భారం తగ్గుతుందని ఎస్బీఐ మేనేజింగ్ డైరెక్టర్ (రిటైల్, డిజిటల్ బ్యాంకింగ్) సీఎస్ శెట్టి తెలిపారు. యోనో యాప్ ద్వారా హోమ్ లోన్ కోసం దరఖాస్తు చేసుకున్న వారికి 0.05 (5 బేసిస్ పాయింట్లు) శాతం వడ్డీ రాయితీని ఇస్తున్నట్లు వెల్లడించారు. మహిళా రుణగ్రహీతలకు కూడా అదనంగా 0.50 శాతం(5 బేసిస్ పాయింట్లు) వడ్డీ రాయితీ కల్పిస్తున్నారు. ప్రస్తుతం రుణ గ్రహీతలు హోమ్ లోన్ పైన 0.40 శాతం ప్రాసెసింగ్ ఫీజును చెల్లిస్తున్నారు. ఇప్పుడు ఈ ప్రాసెసింగ్ ఫీజును రద్దు చేశారు.

మరిన్ని వివరాల కోసం...

హోమ్ లోన్ పైన ఎస్బీఐ వ‌డ్డీరేటు చారిత్ర‌క స్థాయిలో త‌క్కువ‌గా ఉంది. జాతి నిర్మాణంలో భాగ‌స్వాములుగా ఇంటి కొనుగోళ్ల‌ను ప్రోత్స‌హించ‌డానికి ఈ రాయితీ అందుబాటులోకి తెచ్చినట్లు ఎస్బీఐ తెలిపింది. మరిన్ని వివరాల కోసం ఎస్బీఐ వెబ్ సైట్ నుండి తెలుసుకోవచ్చు.

హోమ్ లోన్ ఇంటరెస్ట్ సర్టిఫికెట్

హోమ్ లోన్ తీసుకుంటే హోమ్ లోన్ ఇంటరెస్ట్ సర్టిఫికెట్ ఉంటుంది. హోమ్ లోన్ అకౌంట్ స్టేట్‌మెంట్‌ను హోమ్ లోన్ ఇంటరెస్ట్ సర్టిఫికేట్ అంటారు. ఎస్బీఐ ఆన్ లైన్ బ్యాంకింగ్ లేదా ఎస్బీఐ క్విక్ ద్వారా హోమ్ లోన్ ఇంటరెస్ట్ కాపీని సులభంగా పొందవచ్చు. మీరు రుణాలు తీసుకున్న బ్యాంకు లేదా సంస్థ హోమ్ లోన్ సర్టిఫికెట్ జారీ చేస్తుంది. ఆదాయపు పన్ను చెల్లింపులో మినహాయింపు కోసం హోమ్ లోన్ ఇంటరెస్ట్ సర్టిఫికెట్ అవసరం.