రూ. 50 వేల పెట్టుబడితో రూ.20 లక్షలు మీ చేతికి రావాలా.. Gold or PPF ఏది ఉత్తమమో తెలుసుకోండి

పొదుపు చేయడం అందరికీ తెలుసు, కానీ సరిగ్గా పెట్టుబడి పెట్టడం మాత్రం చాలామందికి తెలియదు. 'సేఫ్‌గా వెళ్ళాలా? లేక రిస్క్ తీసుకుని ఎక్కువ సంపాదించాలా?' అనే డైలమాలో మనం పడతాం. అలాంటివారికి బంగారం, పీపీఎఫ్ ఎప్పటి నుంచో నమ్మకమైన ఆప్షన్లు. అయితే 15 ఏళ్ల తర్వాత రెండింట్లో ఏది ఎక్కువ రాబడి ఇస్తుంది? కేవలం రూ. 50,000 పెట్టుబడితో ఫలితం ఎంత వస్తుందో ఇప్పుడు తెలుసుకుందాం.

చాలామంది స్టాక్ మార్కెట్, మ్యూచువల్ ఫండ్స్ లాంటి హై-రిస్క్ ఇన్వెస్ట్‌మెంట్స్‌ వైపు మొగ్గు చూపుతున్నా... చాలా మంది ఇంకా సేఫ్ ఆప్షన్స్ వైపు మొగ్గు చూపుతున్నారు. ఇప్పుడు రూ. 50,000ను 15 ఏళ్లపాటు పెట్టుబడి పెడితే... పీపీఎఫ్ ఎక్కువ ఇస్తుందా? లేక బంగారం ఎక్కువ ఇస్తుందా? చూద్దాం.

PPF:
పబ్లిక్ ప్రావిడెంట్ ఫండ్ (PPF) ప్రభుత్వ మద్దతు ఉన్న పొదుపు పథకం. దీంట్లో పెట్టుబడి పెడితే పెట్టుబడిదారులకు పలు రకాల ప్రయోజనాలు లభిస్తాయి. మొదటగా, ఇందులో వేసే డబ్బుకు ఆదాయపు పన్ను చట్టంలోని 80C సెక్షన్ కింద టాక్స్ బెనిఫిట్ లభిస్తుంది. అలాగే మీరు పొందే వడ్డీ మరియు చివరికి వచ్చే రిటర్న్స్ కూడా పూర్తిగా టాక్స్-ఫ్రీ. అంటే మేచ్యూరిటీ సమయానికి మీరు పొందే మొత్తాన్ని ఎటువంటి పన్ను లేకుండా స్వేచ్ఛగా ఉపయోగించుకోవచ్చు.

ప్రస్తుతం (ఆగస్టు 2025 నాటికి) పీపీఎఫ్ వడ్డీ రేటు '7.1%'గా ఉంది. ఉదాహరణకు, మీరు ప్రతి సంవత్సరం రూ.50,000 చొప్పున 15 సంవత్సరాలు పెట్టుబడి పెడితే, మీ మొత్తం పెట్టుబడి సుమారు రూ. 7.5 లక్షలు అవుతుంది. ఈ పెట్టుబడిపై సంవత్సరానికి కంపౌండింగ్ వడ్డీ లెక్కన, 15 సంవత్సరాల తరువాత మీకు దాదాపు రూ. 13.56 లక్షల వరకు కార్పస్ సిద్ధమవుతుంది.

ఇది పూర్తిగా రిస్క్-ఫ్రీ పెట్టుబడి సాధనం కావడం, అలాగే టాక్స్ మినహాయింపులు ఉండడం వల్ల, పీపీఎఫ్‌ను చాలా మంది సేఫ్ ఆప్షన్‌గా పరిగణిస్తారు. ముఖ్యంగా, స్టాక్ మార్కెట్ లేదా మ్యూచువల్ ఫండ్స్‌లో రిస్క్ తీసుకోలేని, గ్యారంటీడ్ రిటర్న్స్ కోరుకునే వారికి ఇది చాలా ఉపయోగకరమైన పథకం.

ఎవరికి బాగుంటుంది?
పీపీఎఫ్ ప్రధానంగా రిస్క్ తీసుకోలేని వారికి సరైన ఆప్షన్. ఎందుకంటే ఇది ప్రభుత్వ హామీతో ఉండే సేఫ్ పథకం అలాగే గ్యారంటీడ్ రిటర్న్స్ కోరుకునే వారికి ఇది సరైన ఎంపిక. ఎందుకంటే స్టాక్ మార్కెట్‌లా హెచ్చుతగ్గులు ఉండవు. అంతేకాకుండా, టాక్స్ సేవింగ్ కోసం ఆలోచించే వారికి కూడా పీపీఎఫ్ పెద్ద ప్రయోజనం కలిగిస్తుంది. 80C కింద డిడక్షన్లు లభించడంతో పాటు, చివరికి వచ్చే రాబడి కూడా పూర్తిగా టాక్స్-ఫ్రీగా ఉంటుంది. అందువల్ల, పొదుపుతో పాటు భద్రత, టాక్స్ మినహాయింపు కోరుకునే వారందరికీ ఇది మంచి ఎంపిక.

బంగారం
బంగారంలో పెట్టుబడి పెడితే ఇందులో ఆర్థిక అనిశ్చితి లేదా ఇన్ఫ్లేషన్ పెరిగే సమయంలో దీని విలువ పెరుగుతుంది. అయితే, దీని రాబడులు మార్కెట్ పరిస్థితులపై ఆధారపడి ఉంటాయి కాబట్టి ఎప్పుడూ స్థిరంగా ఉండవు. గత రికార్డుల ప్రకారం, బంగారం సగటున సుమారు 10% వార్షిక రిటర్న్స్ ఇచ్చింది. ప్రతి నెలా సుమారు రూ. 4,200 (అంటే సంవత్సరానికి రూ. 50,400) చొప్పున 15 ఏళ్లు పెట్టుబడి పెడితే, మొత్తం పెట్టుబడి రూ. 7.64 లక్షలు అవుతుంది. దీని మీద వచ్చే కార్పస్ దాదాపు రూ. 19.34 లక్షలు వరకు పెరుగుతుంది.

అయితే ఇక్కడ ఒక ముఖ్యమైన విషయం ఎంతంటే బంగారం అమ్మినప్పుడు క్యాపిటల్ గెయిన్స్ టాక్స్ తప్పదు. మీరు 3 ఏళ్లలోపు అమ్మితే, మీ ఇన్కమ్ టాక్స్ స్లాబ్ ప్రకారం పన్ను చెల్లించాలి. 3 ఏళ్లకు మించి అమ్మితే, 12.5% లాంగ్ టర్మ్ క్యాపిటల్ గెయిన్స్ టాక్స్ (LTCG) వేస్తారు, అంతేకానీ ఇండెక్సేషన్ బెనిఫిట్ ఇవ్వరు. అదనంగా, ఫిజికల్ గోల్డ్ తీసుకుంటే స్టోరేజ్, భద్రత సమస్యలు ఉంటాయి. డిజిటల్ గోల్డ్, గోల్డ్ ETF వంటి ఆప్షన్లు ఈ సమస్యల నుంచి బయటపడతాయి కానీ పన్నుల విషయంలో మాత్రం ఎలాంటి మినహాయింపు ఉండదు.

పీపీఎఫ్ Vs బంగారం:
ఒకవైపు పీపీఎఫ్ అనేది సేఫ్ లాకర్‌ లాంటిది. మీరు ప్రతి సంవత్సరం రూ. 50,000 వేసుకుంటూ 15 ఏళ్లు కొనసాగిస్తే, చివరికి ఆ లాకర్ లో రూ. 13.56 లక్షల ఖజానా మీకు ఉంటుంది. ఇది ప్రభుత్వ హామీతో ఉండే సంపద కాబట్టి ఎలాంటి రిస్క్ ఉండదు. అంతేకాదు, ఈ మొత్తానికి పన్ను కూడా ఉండదు. కానీ ఒక షరతు మాత్రం ఉంది. ఈ లాకర్ 15 ఏళ్లు లాక్‌డ్‌గానే ఉంటుంది. ఏడవ సంవత్సరం నుంచి కొంచెం తీయొచ్చు కానీ మొత్తం డబ్బు చివరికి మాత్రమే మీకు లభిస్తుంది.

మరోవైపు బంగారం ఒక రోలర్‌కోస్టర్ ప్రయాణంలా ఉంటుంది. మీరు ప్రతి నెలా రూ. 4,200 చొప్పున పెట్టుకుంటూ వెళ్తే, 15 ఏళ్ల తర్వాత అది సుమారు రూ.19.34 లక్షల వరకు పెరిగే అవకాశం ఉంది. కానీ ఈ ప్రయాణంలో ఎప్పుడూ పైకి మాత్రమే కాదు, కిందకీ కూడా వెళ్ళే మలుపులు ఉంటాయి. బంగారం ధరలు మార్కెట్‌పై ఆధారపడి మారుతాయి. అదనంగా, అమ్మినప్పుడు 12.5% పన్ను తప్పదు. అయినా సరే, ఇన్ఫ్లేషన్‌కు గట్టి హెడ్జ్ కావాలనుకునేవారికి బంగారం ఒక మంచి తోడుగా ఉంటుంది.

చివరికి పెట్టుబడి ఎక్కడ పెట్టుకోవాలో అనేది పూర్తిగా మీ రిస్క్‌ తీసుకునే ధైర్యం, ఆర్థిక లక్ష్యాలపై ఆధారపడి ఉంటుంది. దీర్ఘకాల పెట్టుబడిలో సేఫ్, గ్యారంటీడ్, టాక్స్ ఫ్రీ రిటర్న్స్ కావాలనుకునే వారికి పీపీఎఫ్ ఉత్తమమైన ఆప్షన్‌గా ఉంటుంది. మరోవైపు, మార్కెట్ రిస్క్ తీసుకుని ఎక్కువ రిటర్న్స్ సంపాదించాలని, అలాగే ఇన్ఫ్లేషన్‌కి హెడ్జ్ కావాలని కోరుకునే వారికి బంగారం మంచి ఎంపిక అవుతుంది. అయితే ఒకే ఆప్షన్‌లో మొత్తం డబ్బు పెట్టడం తెలివైన నిర్ణయం కాదు. పీపీఎఫ్‌తో పాటు బంగారంలో కూడా పెట్టుబడి పెడితేనే దీర్ఘకాలంలో సరైన బ్యాలెన్స్‌డ్ పోర్ట్‌ఫోలియో ఏర్పడుతుంది.