డిస్నీ ప్లస్ హాట్‌స్టార్ వీఐపీ సబ్‌స్క్రిప్షన్: జియో యూజర్లకు మరో అద్భుతమైన ఆఫర్

అద్భుతమైన ఆఫర్లలో కస్టమర్లను ఆకట్టుకునే జియో తాజాగా మరో ఆఫర్‌తో ముందుకు వచ్చింది. తమ ప్రీపెయిడ్ వినియోగదారులకు డిస్నీ ప్లస్ హాట్‌స్టార్ వీఐపీ సబ్‌స్క్రిప్షన్ ఏడాది పాటు ఉచితంగా ఇవ్వాలని నిర్ణయించింది. అయితే రూ.401 నెలవారీ రీచార్జ్ ప్లాన్, రూ.2599 వార్షిక ప్లాన్, రూ.612, రూ.1208 డేటా ఓచర్లు వీటిలో ఏదో ఒక ప్లాన్‌ను ఎంచుకునే వారికి మాత్రమే ఈ ఆఫర్ వర్తిస్తుంది.

ఈ ఆఫర్‌ను ఇటీవల సామాజిక మాధ్యమాలలో ఉంచిన కంపెనీ వినియోగదారుల నుండి భారీ స్పందన రావడంతో శనివారంరాత్రి వివరాలతో పాటు ప్లాన్‌ను లాంచ్ చేసింది. ఇందుకు సంబంధించిన సమాచారాన్ని సోషల్ మీడియా వేదిక ట్విట్టర్ ద్వారా వెల్లడించింది. ఇలాంటి ఆఫర్‌ను ఎయిర్ టెల్ ఇప్పటికే అందిస్తోంది. రూ.401 రీచార్జితో ఏడాదిపాటు డిస్నీ ప్లస్ హాట్‌స్టార్ వీఐపీ సబ్‌స్క్రిప్షన్ ఉచితంగా ఇస్తోంది. ఎయిర్‌టెల్‌కు పోటీగా జియో దీనిని లాంచ్ చేసింది.

ఈ ప్రక్రియ చాలా సులభం. మీరు మీ జియో అకౌంట్‌ను ఓ స్పెషల్ రీచార్జ్ ప్లాన్‌తో ద్వారా రీచార్జ్ చేసుకోవాలి. హాట్‌స్టార్ ప్లాన్స్ నెలవారీ రూ.401 నుండి ఏడాదికి రూ.2599 మధ్య ఉంది. అదనంగా డిస్నీ ప్లస్ హాట్‌స్టార్ ఆఫర్ రూ.612, రూ.1,208 డేటా ఓచర్స్. మీ అకౌంట్‌కు 4జీ డేటా యాడ్ అవుతుంది.