రూ. 1 లక్షకే ఇంటి ఓనర్ కావచ్చు…ఇప్పుడు యువతరమంతా దీనిపైనే టార్గెట్ పెట్టుకున్నారు

Gen-Z తరానికి సంపదను నిర్మించడంలో కొత్త ఆలోచనలు, కొత్త అవకాశాలు కనిపిస్తున్నాయి. తమ ఆదాయాన్ని సురక్షితమైన మార్గాల్లో పెంచుకోవాలని, చిన్న మొత్తాలు కూడా పెద్ద పెట్టుబడులకు కొంత వాటా దారుడిగా మారాలని ఇప్పటి యువత చూడటం ఆసక్తికరం. ఫిక్స్‌డ్ డిపాజిట్లు, సాధారణ పెట్టుబడులకు మారుగా ఇంకొన్ని మార్గాలు కావాలనే యత్నంలో ఫ్రాక్షనల్ రియల్ ఎస్టేట్ పట్ల ఆసక్తి పెరుగుతోంది.

అందరికీ తెలిసినట్లుగా, ఒక అపార్ట్‌మెంట్ కొనాలంటే లక్షలు కాదు, కోట్లు ఖర్చవుతుంది. అలాంటప్పుడు తొందరపాటు పడకుండా కొంత డబ్బుని ఫ్రాక్షనల్ మోడల్ లో పెట్టుబడి పెట్టొచ్చు అనే చెప్పాలి. ఇందులో ఒక్కరే కాదు, చాలా మంది కలిసి ఒక్క ప్రాపర్టీలో వాటాలుగా పెట్టుబడి పెడతారు. అంటే మీరు పూర్తిగా ఫ్లాట్ తీసుకోవడం కాదు, కానీ ఆ ఫ్లాట్ నుంచి వచ్చే రెంట్‌లో మరియు ఆ ఫ్లాట్ ఖరీదు పెరిగితే వచ్చే లాభాల్లో మీ వాటా ఉంటుంది.

ఆర్థిక పరమైన అవగాహన పెరగడం, డిజిటల్ టెక్నాలజీకి అలవాటు కావడం, ఇంకా హసల్ కల్చర్ ప్రభావంతో Gen-Z తమ పోర్ట్‌ఫోలియోను డైవర్సిఫై చేయడంలో ఫ్రాక్షనల్ రియల్ ఎస్టేట్‌కు ప్రాధాన్యత ఇస్తోంది. వీరికి డైవర్సిఫికేషన్, సంపద సృష్టించడం చాలా ముఖ్యం. "మీ డబ్బు పనిచేయాలి" అనే మాట వీరి కోసమే అనుకుంటా.

అంతకు ముందు రియల్ ఎస్టేట్ అంటే పెద్ద పెట్టుబడిదారులకే, ఇప్పుడు ఫ్రాక్షనల్ ఓనర్‌షిప్ వల్ల మొదటి సారి జీతం తీసుకునే 21ఏళ్ళ యువకుడికి కూడా కేవలం రూ.1 లక్షతో పెట్టుబడి ప్రారంభించే ఛాన్స్ వస్తోంది," అని క్లారావెస్ట్ టెక్నాలజీస్ ప్రైవేట్ లిమిటెడ్ సీఓ - ఫౌండర్ మనంకి పారులేకర్ చెబుతున్నారు.

Gen-Z పెట్టుబడికి నూతన దృష్టి
1997 మరియు 2012 మధ్య జన్మించిన జెన్-Z ఉద్యోగ జీవనంలోకి అడుగుపెడుతూనే ఫిక్స్‌డ్ డిపాజిట్స్ కంటే ఎక్కువ పెట్టుబడులను అన్వేషిస్తున్నారు. ఫ్రాక్షనలైజేషన్‌కు ఈ తరం అలవాటుపడింది క్రిప్టోకరెన్సీలలో యూనిట్‌లు కొనడం. ఇప్పుడు ఒక ప్రాపర్టీలో భాగస్వామ్యం వహించి రెంటల్ ఆదాయం పొందొచ్చు," అని పారులేకర్ వివరించారు.

ఫ్రాక్షనల్ రియల్ ఎస్టేట్ లో పెట్టుబడి పెట్టేముందు పూర్తిగా అధ్యయనం చేయడం చాలా అవసరం. ప్లాట్‌ఫామ్ విశ్వసనీయత ఎంత ఉంది? ఆ ఆస్తి ఎక్కడ ఉంది? అది రెంటల్ ఎంత ఇస్తోంది? ఆ ప్రాజెక్ట్‌లో గ్రోత్ ఎలా ఉంటుంది? రెసిడెన్షియల్ పెట్టుబడిదారేనా? లేక వెకేషన్ హోమ్‌లోనా? అన్నదానిపై స్పష్టత ఉండాలి.

ప్రత్యేకించి వేర్వేరు రాబడులపై కూడా తెలుసుకోవాలి. ఉదాహరణకు, కమర్షియల్ ప్రాపర్టీలు రెంటల్ యీల్డ్‌గా సుమారు 6 నుంచి 8 శాతం వరకు ఇవ్వొచ్చు, అలాగే విలువ కూడా ఏడాదికి 7 నుంచి 8 శాతం పెరిగే అవకాశం ఉంటుంది. రెసిడెన్షియల్ ప్రాపర్టీల్లో రెంటల్ యీల్డ్ తక్కువగా 3-4% ఉన్నా, ఆస్తి విలువ 10-12% వరకు పెరిగే అవకాశం ఉంటుంది. ఇక వెకేషన్ హోమ్స్ విషయంలో మాత్రం రెంటల్ 7-9% దాకా వస్తుంది, అలాగే విలువలో 8-9% పెరుగుదల కనిపించొచ్చు.

ఇలాంటి పెట్టుబడులకు క్లారావెస్ట్ (Claravest) లాంటి ప్లాట్‌ఫామ్లు అద్భుతంగా పనిచేస్తున్నాయి. వారు రూ.1 లక్ష వంటి తక్కువ మొత్తంలోనే పెట్టుబడి ప్రారంభించడానికి అవకాశం ఇస్తున్నారు. వీరు ప్రధానంగా టియర్-2 నగరాల్లో ఉన్న కమర్షియల్ స్పేసులు, రెంటల్‌కు అనుకూలమైన వెకేషన్ హోమ్స్‌పై దృష్టి పెడతారు. వీటి ద్వారా యువతకు తక్కువ పెట్టుబడితో పెద్ద ప్రాపర్టీ మార్కెట్‌లో అడుగుపెట్టే అవకాశం లభిస్తోంది.

ఈ మార్గంలో పెట్టుబడులు పెడుతున్న యువతకు ఇది ఒక పాఠంగా మారుతోంది - చిన్న దానితో ప్రారంభించి, భద్రతతో కూడిన విధానంలో సంపదను నిర్మించవచ్చని నమ్మకం పెరుగుతోంది. ఇతరం ప్రాజెక్టుల్లో పెట్టుబడి పెట్టే ముందు స్థల అనుభవం, ప్లాట్‌ఫామ్ విశ్వసనీయత, లాంగ్‌టెర్మ్ బెనిఫిట్స్ లాంటి అంశాలను పరిశీలించినపుడు మరింత మందికి ఇలాంటి పెట్టుబడులు గమనార్హంగా మారొచ్చు.