investment plan: ఈ 2 స్టాక్స్‌లో ఇన్వెస్ట్ చేస్తే దాదాపు 50% లాభాలు రావొచ్చు

ప్రముఖ బ్రోకరేజీ సంస్థ మోతీలాల్ ఓస్వాల్ ప్రస్తుత పరిస్థితుల్లో కొనుగోలు చేయగల స్టాక్స్‌ను సజెస్ట్ చేస్తోంది. ఈ స్టాక్స్ పైన ఇన్వెస్ట్ చేస్తే మంచి రిటర్న్స్‌కు అవకాశాలు ఉంటాయని అంచనా వేస్తోంది. అయితే మ్యూచువల్ ఫండ్స్, స్టాక్స్ రిస్క్‌తో కూడుకున్న పెట్టుబడులు. కాబట్టి నిపుణుల సలహాలు, సూచనలు తీసుకోవడం మంచిది. ఈ బ్రోకరేజ్ సంస్థ యూనియన్ బ్యాంకు, శ్రీరామ్ సిటీ యూనియన్ పైన బెట్టింగ్ వేస్తోంది. ఈ స్టాక్స్ కొనుగోలు చేయవచ్చునని సూచిస్తున్నాయి.

యూనియన్ బ్యాంకు

ఈ బ్రోకరేజీ సంస్థ యూనియన్ బ్యాంకు స్టాక్‌ను కొనుగోలు చేయవచ్చునని సూచిస్తోంది. ప్రస్తుతం దీని ధర రూ.37 దిగువన ఉంది.ఈ స్టాక్ 46 శాతం ఎగిసి రూ.55కు చేరుకోవచ్చునని ఈ బ్రోకరేజీ సంస్థ అంచనా వేసింది. మోతీలాల్ ఓస్వాల్ ప్రకారం యూనియన్ బ్యాంకు ఆరోగ్యకర ప్రదర్శన కనబరుస్తోంది.

ఇతర అధిక ఆదాయాలతో పాటు మార్జిన్స్ పెరగడం, బిజినెస్ గ్రోత్ పెరగడం కనిపిస్తోందని తెలిపింది. యూనియన్ బ్యాంకు ఈపీఎస్ 2021-22 ఆర్థిక సంవత్సరంలో రూ.7.9 శాతం కాగా, 2022-23 నాటికి రూ.11.8 శాతంగా అంచనా వేస్తోంది. యూనియన్ బ్యాంకు ప్రాఫిట్ గత త్రైమాసికంలో ఏడాది ప్రాతిపదికన భారీగా లాభపడి రూ..11.8 బిలియన్ డాలర్లకు చేరుకుంది. మొత్తం ప్రొవిజన్స్ రూ.35 బిలియన్లుగా ఉన్నాయి.

శ్రీరామ్ సిటీ యూనియన్ ఫైనాన్స్

శ్రీరామ్ సిటీ యూనియన్ ఫైనాన్స్ స్టాక్‌ను కొనుగోలు చేయవచ్చునని మోతీలాల్ ఓస్వాల్ సూచిస్తోంది. ఈ స్టాక్ ధర ప్రస్తుతం రూ.1856 వద్ద ఉంది. ఈ స్టాక్ కూడా వచ్చే కాలంలో మంచి రిటర్న్స్ అందించవచ్చునని చెబుతోంది. ఎంఎస్ఎంఈ, 2w, పర్సనల్ లోన్స్ వంటి రిస్క్ కలిగిన ఉత్పత్తులను కలిగి ఉన్నప్పటికీ, అసెట్ క్వాలిటీ సంతృప్తికరంగా ఉంది.

గమనిక..

స్టాక్స్‌లో పెట్టుబడితో ఆర్థిక నష్టాలు వచ్చే ప్రమాదం ఉంటుంది. అందుకే పెట్టుబడిదారులు జాగ్రత్తలు తీసుకోవాలి. ఈ వ్యాసం ఆధారంగా మాత్రమే ఇన్వెస్ట్ చేయడం సరికాదు. నిపుణుల సలహాలు తీసుకోవడంతో పాటు స్టాక్ మార్కెట్ పైన అవగాహన పెంచుకోవడం ముఖ్యం.