SIP ఫెయిల్ అయ్యిందా? ఇలా చేస్తే ఎప్పుడు మిస్ అవ్వదు....

మ్యూచువల్ ఫండ్స్‌లో సంపద సృష్టించడానికి సిస్టమెటిక్ ఇన్వెస్ట్‌మెంట్ ప్లాన్స్ (SIP) సరైన మార్గం. కానీ ఖాతాలో డబ్బులు లేని కారణంగా SIP మిస్ అవితే, ఇన్వెస్టర్ కంపౌండింగ్ లాభాన్ని కోల్పోతారు. అలాగే, రీగ్యులర్‌గా ఇన్వెస్ట్ చేయడం కూడా రద్దయిపోతుంది. SIP మిస్ అవ్వడం వల్ల బ్యాంక్ ఆటో-డెబిట్ ఫెయిల్ అవ్వచ్చు లేదా ఫండ్ హౌస్ SIPని రద్దు చేయవచ్చు, ఇది లాంగ్‌టర్మ్ ఫైనాన్స్ లక్ష్యాలను ప్రభావితం చేస్తుంది.

SIP మిస్ అవ్వడానికి ప్రధాన కారణాలు:
SIP ఫెయిల్ అవ్వడానికి ప్రధాన కారణం SIP డెబిట్ డేట్ మరియు సాలరీ క్రెడిట్ డేట్ మధ్య అనుసంధానం లేకపోవడం. ఇన్వెస్టర్లు SIP తేదీకి ముందుగా ఖాతాలో కనీస బ్యాలెన్స్ ఉంచకపోవడం వలన SIP మిస్ అవుతుంది. అలాగే, బ్యాంక్ ఆటో-డెబిట్ లో టెక్నికల్ సమస్యలు లేదా ఖాతా మార్పులు కూడా SIP ఫెయిల్స్ కు కారణమవుతాయి.

SIP మిస్ కాకుండా చూసుకోవడానికి మార్గాలు

1. SIP తేదీని సాలరీ డేట్ కు దగ్గరగా సెట్ చేయండి. ఉదాహరణకి, సాలరీ 1 లేదా 5 తేదీన వస్తే, SIP తేదీని 7 లేదా 10కు సెట్ చేయడం మంచిది.

2. ప్రధాన బ్యాంక్ ఖాతాకు అదనంగా ఒక ఇన్వెస్ట్‌మెంట్ ఖాతా ఉంచి, ప్రతి నెల ఫిక్స్ అమెంట్ డిపాజిట్ చేయడం వల్ల SIP సకాలంలో పే చెయ్యడానికి సహాయపడుతుంది.

3. చాలా బ్యాంకులు సాలరీ క్రెడిట్ అయిన తర్వాత కొన్ని రోజుల్లో ఆటోమేటిక్‌గా SIP కోసం డబ్బు ట్రాన్స్‌ఫర్ చేయడానికి అవకాశం ఇస్తాయి. దీని కోసం మీరు ప్రత్యేకంగా చేతితో చెల్లింపులు చేయాల్సిన అవసరం లేదు.

4. కొన్ని ఫండ్ హౌసెస్ ఫ్లెక్సీ-SIP ఆఫర్ చేస్తాయి, ఇందులో మీరు ప్రతి నెల ఇన్వెస్ట్‌మెంట్ మొత్తాన్ని మార్చుకోవచ్చు లేదా తగ్గించుకోవచ్చు. దీని వల్ల SIP రద్దు కాకుండా సులభంగా కొనసాగించవచ్చు.

5. బ్యాంక్ మాండేట్‌ని రిఫ్రెష్ చేయడం ముఖ్యం. ఆటో-డెబిట్లో సరైన డబ్బు లేకపోతే, SIP ఫెయిల్ అవుతుంది. ఖాతా మార్చినప్పుడు వెంటనే ఆటో-డెబిట్ అప్‌డేట్ చేయాలి.

SIP మిస్ అవ్వకుండా ఉండటానికి బ్యాంకులు, ఫండ్ హౌసులు SMS లేదా ఇమెయిల్ హెచ్చరికలు అందిస్తాయి. SIP తేదీకి రెండు రోజుల ముందస్తు రిమైండర్‌లు తీసుకోవడం వల్ల SIP మిస్ కాకుండా చూసుకోవచ్చు. అదేవిధంగా, SIP కోసం ఖాతాలో ఒక అత్యవసర బఫర్ ఖాతా ఉంచడం చాలా ఉపయోగకరం. ఈ ఎకౌంట్‌లో ఒక నెల SIPకు తగ్గ డబ్బు ఉంచడం ద్వారా, ఖాతాలో అప్పుడప్పుడు డబ్బు తక్కువగా ఉన్నా కూడా SIP సకాలంలో ఆటో-డెబిట్ ద్వారా పేమెంట్ అయ్యే అవకాశం ఉంటుంది.

ఇలా SIP మిస్ అవ్వడం దీర్ఘకాల ఇన్వెస్ట్మెంట్లను ప్రభావితం చేస్తుంది, కానీ సరైన ప్లానింగ్, ఆటో-డెబిట్ సెటప్, ఖాతా మేనేజ్‌మెంట్ ద్వారా SIP సకాలంలో కొనసాగించవచ్చు. ఇలా చేస్తే, మీరు సిస్టమెటిక్ ఇన్వెస్టింగ్ ద్వారా సంపదను ఎక్కువగా పెంచుకోవచ్చు.