మ్యాక్స్ లైఫ్ సరళ్ జీవన్ బీమా: స్టాండర్డ్ ప్రీమియం ప్లాన్

లైఫ్ ఇన్సురెన్స్ రంగంలోని మ్యాక్స్ లైఫ్ ఇన్సురెన్స్ కంపెనీ సరళ్ జీవన్ బీమా పేరిట కొత్త పాలసీని విడుదల చేసింది. ఇది పాలసీదారుని రిస్క్‌ను మాత్రమే కవర్ చేస్తూ, కుటుంబానికి రక్షణ కల్పించే ప్రామాణిక టర్మ్ ఇన్సురెన్స్ ప్లాన్. పద్దెనిమిది సంవత్సరాల నుండి 65 సంవత్సరాల మధ్య వయస్సు కలిగిన వారు ఈ పాలసీని తీసుకోవచ్చు. కనీస హామీ మొత్తం రూ.5 లక్షల నుండి గరిష్టంగా రూ.25 లక్షలు.

అయిదేళ్ల నుండి 40 ఏళ్ల కాలపరిమితికి గాను ఈ పాలసీని తీసుకోవచ్చు. ఇందులో సింగిల్ పే ఆప్షన్‌తో పాటు ఏడాది, అర్ధ సంవత్సరం, త్రైమాసికం, నెలవారీ చెల్లింపు ఆప్షన్ కూడా ఎంచుకోవచ్చు. అయిదేళ్ల కాలపరిమితి నుండి పదేళ్ల కాలపరిమితి వరకు ఆప్షన్స్ ఎంచుకోవచ్చు.

ఇటీవలి మ్యాక్స్ లైఫ్ సర్వే ప్రకారం ఇండియా ప్రొటెక్షన్ కోషెంట్ ప్రకారం.. అర్బన్ ఇండియాలో 33 శాతం మంది నాన్-టర్మ్ ప్లాన్ ఓనర్స్‌కు టర్మ్ ప్లా్ అవలెబలిటీ గురించి తెలియదు. వీటికి అత్యధికంగా చెల్లించాల్సి ఉంటుందని భావిస్తున్నారు. మ్యాక్స్ లైఫ్ సరళ్ జీవన్ బీమా కస్టమర్లకు సరళతర ఫైనాన్షియల్ ప్రొటెక్షన్ ఆఫర్ అని కంపెనీ చెబుతోంది.