F&O Trading: యువ ట్రేడర్లకు ధోనీ సూచన.. కూరుకుపోతే బయటకు రాలేరంటూ..

MS Dhoni on Trading: గ్రౌండులో ఆగటాళ్లను కంట్రోల్ లో పెట్టే కెప్టెన్ కూల్ మహీంద్ర సింగ్ ధోనీ తాజాగా స్టాక్ మార్కెట్లలో ఆప్షన్ ట్రేడింగ్ గురించి స్పందించారు. స్టాక్ మార్కెట్లలో ఫ్యూచర్స్ అండ్ ఆప్షన్స్ ట్రేడింగ్ జోలికి వెళితే బౌల్డ్ అవటం తప్పదని హెచ్చరించారు. చాలా మంది యువత నేటి కాలంలో తక్కువ సమయంలో ఎక్కువ సంపాదించాలనే ఆలోచనతో స్టాక్ మార్కెట్లలో పెట్టుబడులు పెడుతూ భారీ రిస్క్ తీసుకోవటంపై సెబీ సైతం ఆందోళన వ్యక్తం చేసింది.

ఈ క్రమంలో ముఖ్యంగా ఫ్యూచర్స్ అండ్ ఆప్షన్స్ ట్రేడింగ్‌లో ఎక్కువగా తెలుగు రాష్ట్రాలకు చెందిన ట్రేడర్లు నష్టాలను చూస్తున్నట్లు ఇటీవల విడుదలైన గణాంకాలు సైతం బయటపెట్టిన సంగతి తెలిసిందే. వాస్తవాలను గుర్తించకుండా చాలా మంది ఇప్పటికే గుడ్డిగా స్టాక్ మార్కెట్లలో భారీగా డబ్బు సంపాందిచొచ్చనే ఆలోచనలతో అప్పులు చేసిమరీ పెట్టుబడులు పెట్టడం, ఇంట్రాడే ట్రేడింగ్, డెరివేటివ్స్ ట్రేడింగ్ వంటి వాటికి పాల్పడుతున్నారు. ఈ సమయంలోనే భారత క్రికెట్ జట్టు మాజీ కెప్టెన్ మహేంద్ర సింగ్ ధోనీ ఒక ఇంటర్వ్యూలో యువతను F&O ట్రేడింగ్‌కి దూరంగా ఉండాలని సూచించారు.

యువత తమ జీవితంలో తీసుకోవాల్సిన అనేక రిస్క్‌లు ఉన్నాయని, అయితే భరించలేని ప్రమాదాలకు దూరంగా ఉండాలంటూ ధోనీ హెచ్చరించారు. మార్కెట్లలో వృత్తిపరమైన వ్యాపారులందరూ ట్రేడింగ్ చేస్తున్నారని కెప్టెన్ కూల్ పేర్కొన్నారు. కానీ యువకులు దయచేసి F&O ట్రేడింగ్ లోకి ప్రవేశించవద్దని ధోనీ సూచించారు. దానిలో కూరుకుపోతే నష్టాల నుంచి బయటకు తిరిగి రావటం చాలా కష్టమని పేర్కొన్నారు. యువత థ్రిల్ కావాలనుకుంటే వేరే ఏదైనా చేయాలని, ఈ ట్రేడింగ్ వ్యసనానికి మాత్రం దూరంగా ఉండాలని ఇంటర్వ్యూలో పేర్కొన్నారు. దీనిని యువత కోసం కాదని, నిపుణులు నిర్వహించటానికి రూపొందించబడిందని అన్నారు.

వాస్తవానికి ఇప్పటి వరకు సెబీ అందించిన గణాంకాలను పరిశీలిస్తే ఫ్యూచర్స్ అండ్ ఆప్షన్స్ ట్రేడింగ్ లో ప్రతి 100 మందిలో 90 మంది నష్టాలను చవిచూస్తున్నట్లు వెల్లడైంది. అంటే కేవలం 10 శాతం మంది మిగిలిన 90 శాతం మంది డబ్బును తుంటున్నారని మిత్రులారా అందరూ దీనికి దూరంగా ఉండాలని పేర్కొన్నారు. ఈ క్రమంలో కొనుగోలు చేయాలంటూ ప్రేరేపించే నిపుణులపై విరుచుకుపడ్డారు. షేర్లను కొనుగోలు చేసి పెట్టుబడులు పెట్టడం సరైనదే అయినప్పటికీ రూ.5000 బెట్ వేస్తాం ఏమౌతుందో చూద్దాం అంటూ డెరివేటివ్స్ ట్రేడింగ్ జోలికి మాత్రం పోవద్దని ధోనీ సూచించారు.

Note: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. Goodreturns.in advises users to consult with certified experts before making any investment decision.