6.66 శాతానికే... హోంలోన్ పైన అతి తక్కువ వడ్డీ రేటు

హౌసింగ్ ఫైనాన్స్ లెండర్ ఎల్ఐసీ హౌసింగ్ ఫైనాన్స్ లిమిటెడ్ హోమ్ లోన్ వడ్డీ రేట్లను ఆల్ టైమ్ కనిష్టానికి తగ్గించింది. ఈ మేరకు జూలై 2న వడ్డీ రేటును 6.66 శాతానికి తగ్గిస్తున్నట్లు తెలిపింది. రూ.50 లక్షల వరకు గల రుణాలకు మాత్రమే ఈ తగ్గింపు వర్తిస్తుందని తెలిపింది. తగ్గించిన వడ్డీ రేటు కొత్త వేతన జీవులకు మాత్రమే ఆఫర్ చేస్తున్నట్లు, ఈ ఏడాది ఆగస్ట్ 31వ తేదీ వరకే ఇది అందుబాటులో ఉంటుందని తెలిపింది.

ఈ ఆఫర్‌లో భాగంగా గరిష్టంగా ముప్పై ఏళ్ల కాలపరిమితితో రుణం పొందే వీలుఉంటుంది. కంపెనీ ఇప్పటి వరకు ఆఫర్ చేసిన అత్యంత కనిష్ఠ వడ్డీ రేటు ఇది. తమ మొబైల్ యాప్ హోంవై ద్వారా కూడా హోమ్ లోన్ కోసం దరఖాస్తు చేసుకోవచ్చునని తెలిపింది. ఆన్‌లైన్‌లో అనుమతులు పొందవచ్చునని వెల్లడించింది.

కరోనా నేపథ్యంలో సొంతింటి కలను సాకారం చేసుకునే వారి కోసం వడ్డీ రేట్లను ఆల్ టైమ్ కనిష్టానికి తగ్గించామని, తమ ఈ నిర్ణయం మార్కెట్లో కొత్త ఉత్సాహాన్ని తీసుకు వస్తుందని సంస్థ ఎండీ, సీఈవో విశ్వనాథ్ గౌడ్ అన్నారు. తమ ఆన్ లైన్ యాప్ HOMY ద్వారా కస్టమర్లు దరఖాస్తు చేసుకోవచ్చునని తెలిపారు.