Hybrid Home Loan: 7.6 శాతం వడ్డీతో హైబ్రిడ్ హోం లోన్.. వడ్డీ రేటును లాక్ చేసుకోవచ్చు..

ప్రముఖ ప్రైవేట్ బ్యాంక్ కోటక్ మహీంద్రా బ్యాంక్ హైబ్రిడ్ హోమ్ లోన్ ను తీసుకొచ్చింది. హైబ్రిడ్ హోమ్ లోన్ మీరు వడ్డీని లాక్ చేసుకోవచ్చు. వడ్డీ రేటు 65 నెలల పాటు లాక్ చేసుకునే అవకాశం బ్యాంక్ కల్పించింది. దీంతో రుణగ్రహీతలు తొలినాళ్లలో ఈఎంఐ పెరగకుండా ఉంటుంది. ఒక వినియోగదారుడి ఆర్థిక ప్రయాణంలో ఇల్లు కొనడం అనేది కేవలం ఆరంభం మాత్రమేనని, తొలినాళ్లలో కుటుంబాలు నెలవారీ EMIతో పాటు ఇంటి అలంకరణ, విద్య, పొదుపు, రోజువారీ ఖర్చులను కూడా చూసుకుంటాయని కోటక్ మహీంద్రా బ్యాంక్ ఆదివారం ఒక ప్రకటనలో తెలిపింది.

హైబ్రిడ్ హోం లోన్ తీసుకునే వినియోగదారులు 39, 52 లేదా 65 నెలల స్థిర వడ్డీ రేటు కాలాన్ని ఎంచుకోవచ్చని, ఈ కాలంలో రెపో రేటు మారినప్పటికీ వారి వడ్డీ రేటు మారదని పేర్కొంది. ప్రస్తుతం కోటక్ మహీంద్రా బ్యాంక్ 7.6 శాతం నుంచి హోం లోన్లు ఇస్తోంది. మాములుగా బ్యాంకుల్లో హోం తీసుకుంటే.. ఈఎంఐలు చెల్లించే కాలంలో ఆర్బీఐ వడ్డీ రేట్లు పెంచితే బ్యాంకులు వడ్డీ రేట్లు పెంచుతాయి. దీంతో రుణ గ్రహీతకు ఈఎంఐ భారం పెరుగుతోంది. ఈ నేపథ్యంలోనే కోటక్ మహీంద్ర బ్యాంకు వడ్డీ రేటు లాక్ చేసుకునే సౌకర్యం తీసుకొచ్చింది. అయితే ఇది 5 సంవత్సరాల 5 నెలల మాత్రమే వడ్డీ రేటును లాక్ చేసుకోవచ్చు.

తర్వాత బ్యాంకు వడ్డీ రేట్ల ప్రకారం ఈఎంఐలు చెల్లించాల్సిందే. ఈ హైబ్రిడ్ హోమ్ లోన్ ద్వారా యూజర్లు 39,52,65 నెలల స్థిరమైన వడ్డీ రేటు కాలాన్ని ఎంచుకోవచ్చని బ్యాంక్ పేర్కొంది. తమకు ఆర్బీఐతో సంబంధం లేకుండా లోన్ తీసుకున్నప్పుడే ఉన్న వడ్డీ కొనసాగలానుకుంటే కోటక్ మహీంద్రా బ్యాంక్ హైబ్రిడ్ హోం లోన్ తీసుకువచ్చు. ఫ్లోటింగ్ వడ్డీ రేటు వల్ల ఈఎంఐ పెరగొచ్చు లేదా తగ్గొచ్చు అని తెలిపింది.

ఈ ఉత్పత్తి గృహ రుణాలు మరియు ఆస్తిపై రుణాల కోసం అందుబాటులో ఉందని, బ్యాంకు ఫ్లోటింగ్-రేట్ గృహ రుణాలతో పోల్చదగిన ధరకే ఇది లభిస్తుందని, హైబ్రిడ్ విధానాన్ని ఎంచుకున్నందుకు ప్రత్యేక ప్రీమియం ఏమీ లేదని అది తెలిపింది. "ఒక గృహ రుణం దశాబ్దాల పాటు కొనసాగవచ్చు, అనేక వడ్డీ రేట్ల సైకిళ్లు మారొచ్చు. చాలా మంది రుణగ్రహీతలకు, ప్రతి రేటు సమీక్ష వారి EMI లేదా గృహ బడ్జెట్‌ను తదుపరి మార్పు ఎలా ప్రభావితం చేస్తుందనే ప్రశ్నను లేవనెత్తుతుంది. కాలక్రమేణా ఆదాయం, ప్రాధాన్యతలు, ఆర్థిక బాధ్యతలు మారినందున కుటుంబాలు కూడా ముఖ్యమైన జీవన ఖర్చులను సమతుల్యం చేసుకోవాల్సి ఉంటుంది" అని కోటక్ మహీంద్రా బ్యాంక్ హెడ్ (మార్ట్‌గేజెస్) నకుల్ సక్సేనా అన్నారు.

వినియోగదారులు తమ రేటును 65 నెలల వరకు లాక్ చేసుకునేందుకు అనుమతించడం ద్వారా, కోటక్ హైబ్రిడ్ హోమ్ లోన్ గృహ యాజమాన్యం తొలి సంవత్సరాలలో ఒక అర్థవంతమైన ప్రణాళికా భరోసాను కల్పిస్తుందని ఆయన పేర్కొన్నారు. గత ఆర్థిక సంవత్సరం మొదటి త్రైమాసికం చివరి నాటికి రూ. 1,31,792 కోట్లుగా ఉన్న కోటక్ మహీంద్రా బ్యాంక్ లోన్ బుక్, 2026 జూన్ 30 నాటికి 15 శాతం వృద్ధి చెంది రూ. 1,50,903 కోట్లకు చేరుకుంది. హైబ్రిడ్ గృహ రుణం భారతదేశం అంతటా అర్హులైన జీతభత్యాలు పొందే, స్వయం ఉపాధి పొందుతున్న రుణగ్రహీతలకు అందుబాటులో ఉందని బ్యాంక్ పేర్కొంది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.