పర్సనల్ లోన్ ఇలా ఈజీగా అప్లై చేయవచ్చు.. డబ్బులు డైరెక్ట్ అకౌంట్లోకి..

చాల మంది ఇల్లు లేదా వాహనం కొనడానికి లోన్ తీసుకుంటుంటారు. అయితే లోన్ అనేది ప్రస్తుత కాలంలో అందరు పరిగణించగల అప్షన్. లోన్ ద్వారా మీరు డబ్బు త్వరగా పొందవచ్చు ఇంకా ప్రతినెలా తక్కువ మొత్తంలో లేదా ఈఎంఐ పద్ధతుల్లో తిరిగి కట్టవచ్చు. వ్యక్తిగత రుణాలు(personal loan) మీకు కనీస డాక్యుమెంటేషన్ ఇంకా సులభమైన ప్రాసెస్‌ను అందిస్తాయి, దీని వల్ల మీకు అవసరమైనప్పుడు డబ్బులు పొందవచ్చు. అయితే మార్కెట్‌లో లభించే ఇతర లోన్స్ తో పోలిస్తే వ్యక్తిగత రుణాలు ఎక్కువ వడ్డీ రేట్లతో ఉంటాయని మీరు ముందు తెలుసుకోవాలి.

పర్సనల్ లోన్ కోసం అప్లై చేసేటప్పుడు మీ ఆదాయం లేదా జీతం, ఉద్యోగం, వయస్సు, క్రెడిట్ స్కోర్, బ్యాంక్ సెట్ చేసిన ఇతర ప్రమాణాలు అవసరం.

పర్సనల్ లోన్ ప్రయోజనాలు

తక్కువ డాక్యుమెంటేషన్: బ్యాంకులు, NBFC(నాన్ బ్యాంకింగ్ ఫైనాన్సియల్ కంపెనీస్)లు అందించే వ్యక్తిగత రుణాలకి మినిమమ్ డాక్యుమెంటేషన్ అవసరం. మీ గుర్తింపు కార్డు, ఆదాయం, ఉద్యోగం వంటి ఇతర ముఖ్యమైన వాటిని వెరిఫై చేయడానికి ఈ డాక్యూమెంటేషన్ అవసరం. దీనితో పాటు మీకు మంచి క్రెడిట్ స్కోర్ ఉంటే మీ పర్సనల్ లోన్ పై తక్కువ వడ్డీ రేట్ కూడా పొందవచ్చు.

క్విక్ లోన్: మీరు మీ పర్సనల్ లోన్‌ పై ఆమోదం పొందిన తరువాత డబ్బు మీ అకౌంట్కు ట్రాన్స్ఫర్ చేయబడతాయి. ఈ ప్రక్రియ సాధారణంగా కొన్ని గంటల్లో పూర్తవుతుంది, అయితే కొన్ని సందర్భాల్లో 1-2 రోజులు కూడా పట్టవచ్చు.

లోన్ షూరిటీ అవసరం లేదు: పర్సనల్ లోన్‌ ముఖ్య లక్షణాలలో ఒకటి లోన్ షూరిటీ. మీకు ఎక్కువ విలువ చేసే ఆస్తి లేకున్నా లోన్ పొందవచ్చు. కాబట్టి, ఈ రుణాలు మీ క్రెడిట్ వాల్యూ, మీ ఆదాయం, బ్యాంకులు నిర్ణయించిన ఇతర ప్రమాణాల ఆధారంగా మంజూరు చేయబడతాయి.

ఆన్‌లైన్‌లో పర్సనల్ లోన్
లోన్ అర్హత: బ్యాంక్ అఫీషియల్ వెబ్‌సైట్‌ వెళ్లడం ద్వారా వ్యక్తిగత రుణం కోసం అర్హత ప్రమాణాలను చెక్ చేయవచ్చు. మీరు ఇప్పటికే ఉన్న కస్టమర్ అయితే, మీరు ప్రి అప్రూవ్డ్ లోన్ పొందవచ్చు. కానీ కొత్త కస్టమర్ అయితే బ్యాంకు నిర్దేశించిన అర్హత ప్రమాణాలను మీరు చూసుకోవడం చాలా అవసరం.

అప్లికేషన్: మీరు అర్హత ప్రమాణాలను అర్థం చేసుకున్న తర్వాత , మీరు బ్యాంక్ వెబ్‌సైట్‌లో అప్లికేషన్ ఫామ్‌ను ఆన్‌లైన్‌లో నింపవచ్చు. ఇందులో మీరు వయస్సు, జెండర్, ఆదాయం, ఉద్యోగం మొదలైన మీ ముఖ్యమైన సమాచారాన్ని నింపాలి.

డాక్యుమెంటేషన్ ప్రాసెస్: పర్సనల్ లోన్ కోసం మీ అర్హతను వెరిఫై చేయడంలో మీ డాకుమెంట్స్ మీ అప్లికేషన్ ప్రక్రియకు చాలా ముఖ్యమైనవి. డాక్యుమెంటేషన్ ప్రక్రియ చాలా సింపుల్ ఇంకా టైం ఆదా అవుతుంది. మీ అప్లికేషన్ ప్రకారం కావాల్సి వస్తే ఇతర డాకుమెంట్స్ కూడా అడగవచ్చు.

లోన్ నిబంధనలు: మీ డాక్యుమెంట్‌లు వెరిఫై చేసిన తర్వాత మీరు వడ్డీ రేటు, రీపేమెంట్ కాలవ్యవధితో పాటు మీకు కావలసిన లోన్ మొత్తాన్ని సెలెక్ట్ చేసుకోవచ్చు.

అప్లికేషన్ సబ్మిషన్: మీరు కోరుకున్న లోన్ మొత్తాన్ని సెలెక్ట్ చేసుకున్న తర్వాత, మీరు మీ అప్లికేషన్ సబ్మిట్ చేయవచ్చు. సబ్మిట్ చేసే ముందు మీ అప్లికేషన్ ఫారమ్‌ను మళ్ళీ మళ్లీ చెక్ చేయడం మంచిది.

అప్రూవల్: మీరు మీ అప్లికేషన్ సబ్మిట్ చేసిన తర్వాత ఏ సమయంలోనైనా ఆమోదించవచ్చు. అయితే, కొన్ని సందర్భాల్లో దీనికి కొంచెం ఎక్కువ సమయం పట్టవచ్చు లేదా కొన్నిసార్లు రోజులు కూడా పట్టవచ్చు.

లోన్ జారీ: మీరు మీ లోన్ అప్లికేషన్‌పై ఆమోదం పొందిన వెంటనే బ్యాంక్ ద్వారా డబ్బు మీ అకౌంట్కు ట్రాన్స్ఫర్ చేస్తుంది. అయితే కొన్నిసార్లు దీనికి కొన్ని సందర్భాల్లో కొన్ని రోజులు కూడా పట్టవచ్చు.

ఆఫ్‌లైన్ ద్వారా పర్సనల్ లోన్
బ్రాంచూకి వెళ్లడం: మీరు ఆఫ్‌లైన్‌లో పర్సనల్ లోన్ కోసం అప్లై చేయాలనుకుంటే మీరు మీ దగ్గరలోని బ్యాంకు బ్రాంచ్‌కి వెళ్ళాలి. మీరు అప్లికేషన్ ప్రాసెస్, బ్యాంక్ అందించే పర్సనల్ లోన్ గురించి రిలేషన్ షిప్ మేనేజర్‌ని నేరుగా అడగవచ్చు.