Health Insurance: పుట్టిన పిల్లలకు కూడా కవరేజ్ అందించే పాలసీ.. పూర్తి వివరాలు

Health Insurance: భారతదేశంలో ఇన్సూరెన్స్ సేవలను వినియోగించుకునే వారి సంఖ్య కరోనా తర్వాత పెరుగుతోంది. దీని ప్రాముఖ్యత, అవసరం, ప్రయోజనాలపై ప్రజలు ఎక్కువగా అవగాహన పొందటమే కారణంగా తెలుస్తోంది.

చాలా మంది ఇన్సూరెన్స్ పాలసీలు తీసుకునే సమయంలో అనేక అనుమానాలు ఉంటుంటాయి. పాలసీ నియమాలు, దాని కింద అందించే సేవలు, అదనపు రైడర్లు వంటి చాలా అంశాల పాలసీ కొనుగోలులో ముడిపడి ఉంటాయి. ఈ క్రమంలో పుట్టిన పిల్లల నుంచి ఫ్యామిలీ మెుత్తానికి ఆరోగ్య బీమా తీసుకోవాలనుకునే వారు ఎలాంటి పాలసీ తీసుకోవాలో ఇప్పుడు గమనిద్దాం.

సాధారణంగా మెటర్నిటీ బెనిఫిట్స్ కలిగి ఉండే ఇన్సూరెన్స్ పాలసీలన్నింటిలో అప్పుడే పుట్టిన పిల్లలకు కవరేజ్ అందిస్తుంటాయి. దీనికోసం పాలసీదారులు ఎలాంటి అదనపు ప్రీమియం చెల్లించాల్సిన అవసరం ఉండదు. కానీ 90వ రోజు తర్వాత రక్షణ కొనసాగుతుందని నిర్ధారించుకోవడానికి మీరు వారిని మీ ఫ్యామిలీ ఫ్లోటర్ పాలసీలో చేర్చాల్సి ఉంటుంది. వారు 25 ఏళ్లు నిండిన తర్వాత లేదా వివాహం చేసుకున్న తర్వాత, వారు ప్రత్యేక, స్వతంత్ర హెల్త్ ఇన్సూరెన్స్ ప్లాన్ పొందటంపై ప్లాన్ చేసుకోవచ్చు. అందుకే అత్యంత తక్కువ ఖర్చుతో కూడిన ఫ్యామిలీ ఫ్లోటర్ కవర్‌ను కొనుగోలు చేయడం ఉత్తమమైనదిగా చెప్పుకోవచ్చు.

దేశంలో అందుబాటులో ఉన్న ప్రత్యేకమైన ఆఫర్లలో ఒకటిగా ఫ్యామిలీ ఫ్లోటర్ ప్లాన్ ఒకటి. ఇది చాలా దేశాల్లో అస్సలు కనిపించదు. ఇది కుటుంబం పట్ల మన దేశ సంస్కృతిని కూడా సూచిస్తుంది. కొన్ని కంపెనీలు తల్లిదండ్రులతో పాటు తాతలను కూడా చేర్చేందుకు వెసులుబాటు కల్పిస్తున్నాయి. పిల్లలు కలిగిన యువ జంటలు ముందుగా రూ.10 లక్షల కవరేజీతో హెల్త్ ఇన్సూరెన్స్ తీసుకోవటం ఉత్తమం. పాలసీ ప్రీమియం నిర్ణయించే సమయంలో కంపెనీలు మెుత్తం కుటుంబసభ్యుల వయస్సును పరిగణిస్తాయి. ప్రీమియం రేట్లను నిర్ణయించడంలో పెద్ద సభ్యుని వయస్సు కీలకమైన అంశం.

మీ ఫ్లోటర్ పాలసీ మెటర్నిటీ ప్రయోజనాలను కూడా అందిస్తే, డెలివరీకి సంబంధించిన ఏవైనా సమస్యలు లేదా మరేదైనా షరతు ఎదురైనప్పుడు మీ నవజాత శిశువు చికిత్స కూడా డెలివరీ తర్వాత 90 రోజుల వరకు చెల్లించబడుతుంది. నవజాత శిశువును ప్లాన్ లో చేర్చటం ద్వారా భారత ప్రభుత్వం.. జాతీయ ఇమ్యునైజేషన్ షెడ్యూల్ సూచించిన విధంగా హెల్త్ ఇన్సూరెన్స్ సంస్థలు శిశువు ప్రారంభ టీకా ఖర్చులను కూడా చెల్లిస్తాయి. గుర్తుంచుకోవాల్సిన విషయం ఏమిటంటే.. చాలా ఫ్యామిలీ ఫ్లోటర్ పాలసీలు 25 ఏళ్లు పైబడిన పిల్లలకు కవర్ అందించవు. సాధారణంగా పెళ్లయిన పిల్లలు పాలసీ నుంచి నిష్క్రమించాల్సి ఉంటుంది.