Interest Rates: రుణ వడ్డీ రేట్లు మార్పు చేసిన 6 బ్యాంకులు.. EMIపై ప్రభావం ఇదే..

Bank Rates: ప్రస్తుతం ద్రవ్యోల్బణం అధికంగానే కొనసాగుతున్న వేళ రిజర్వు బ్యాంక్ ఇప్పట్లో వడ్డీ రేట్లను పెంచే అవకాశాలు కనిపించటం లేదు. ఈ క్రమంలో దేశంలోని అనేక బ్యాంకులు జూలై నెలలో తమ మ మార్జినల్ కాస్ట్ ఆఫ్ ఫండ్స్ బేస్డ్ లెండింగ్ రేట్ (MCLR)లో మార్పులు చేశాయి. దీని ప్రకారం దేశంలోని 6 ప్రముఖ బ్యాంకులు చేస్తున్న మార్పులు రుణ గ్రహీతలపై ప్రత్యక్షంగా ప్రభావాన్ని చూపనున్నాయి. వాస్తవానికి వివిధ రకాల రుణాల వడ్డీ రేట్లను నిర్ణయించడానికి భారతీయ రిజర్వ్ బ్యాంక్ 2014లో MCLR రేటు విధానాన్ని ప్రవేశపెట్టింది.

హెచ్‌డిఎఫ్‌సి బ్యాంక్:
హెచ్‌డిఎఫ్‌సి బ్యాంక్ ఓవర్‌నైట్ MCLR రేటును 10 బేసిస్ పాయింట్లు తగ్గించి 9.05% నుంచి 8.95%కి తగ్గించింది. 1 నెలకు 9% నుంచి 9.10%కి 10 బేసిస్ పాయింట్లు పెరగగా 3 నెలలకు 9.15% నుంచి 9.20%కి 5 బేసిస్ పాయింట్లు పెరిగాయి. ఇదే క్రమంలో బ్యాంక్ 6 నెలల MCLRను 9.30 శాతం నుంచి 9.35 శాతానికి, 1 సంవత్సరం MCLR ను 9.30 శాతం నుంచి 9.40 శాతానికి పెంచింది. మరోవైపు సవరణ తర్వాత 2-3 సంవత్సరాలకు MCLR 9.40 శాతానికి పెరిగింది. ఈ రేట్లు జూలై 8, 2024 నుంచి అమలులోకి వస్తాయి.

యెస్ బ్యాంక్:
యస్ బ్యాంక్ ఓవర్‌నైట్ MCLR 9.10 శాతం. 1 నెలకు MCLR 9.45%, 3 నెలలకు 10.10%, 6 నెలలకు 10.35%, 1 సంవత్సరానికి 10.50%. యెస్ బ్యాంక్ వెబ్‌సైట్ ప్రకారం కొత్త రేట్లు జూలై 1, 2024 నుండి అమలులోకి వచ్చాయి.

కెనరా బ్యాంక్:
కెనరా బ్యాంక్ ఓవర్‌నైట్ MCLR రేటు 8.20 శాతం. బ్యాంక్ 1 నెల MCLR రేటు 8.30 శాతం కాగా, 3 నెలల MCLR రేటు 8.40 శాతం. మరోవైపు బ్యాంక్ 6 నెలల MCLR 8.75 శాతం, 1 సంవత్సరం MCLR 8.95 శాతం, 2 సంవత్సరాల MCLR 9.25 శాతం, 3 సంవత్సరాల MCLR 9.35 శాతం. కొత్త రేట్లు జూలై 12, 2024 నుంచి అమలులోకి వస్తాయి.

బ్యాంక్ ఆఫ్ బరోడా:
మార్పు తర్వాత, బ్యాంక్ ఆఫ్ బరోడా ఓవర్‌నైట్ MCLR రేటు 8.15 శాతం, 1 నెల MCLR రేటు 8.35 శాతం, 3 నెలల MCLR రేటు 8.45 శాతం, 6 నెలల MCLR రేటు 8.70 శాతం అయితే 1 సంవత్సరం MCLR రేటు 8.90 శాతంగా ఉంది. కొత్త రేట్లు జూలై 12 నుంచి అమలులో ఉన్నట్లు బ్యాంక్ వెల్లడించింది.

IDBI బ్యాంక్:
IDBI బ్యాంక్ వెబ్‌సైట్ ప్రకారం తాజా ఓవర్‌నైట్ MCLR 8.40%, 1 నెల MCLR 8.55%, 3 నెలల MCLR 8.85%, 6 నెలల MCLR 9.10%, 1 సంవత్సరం MCLR 9.15%, 2 సంవత్సరాల MCLR 9.70 శాతం 3 సంవత్సరాలు అంటే 10.10 శాతంగా ఉన్నాయి. ఈ రేట్లు జూన్ 12, 2024 నుంచి అమలులోకి వచ్చాయి.

పంజాబ్ నేషనల్ బ్యాంక్:
బ్యాంక్ వెబ్‌సైట్ ప్రకారం.. ఓవర్‌నైట్ MCLR 8.25%, 1 నెలకు MCLR 8.30%, 3 నెలలకు MCLR 8.50%, 1 సంవత్సరానికి MCLR 8.85% అయితే 3 సంవత్సరాలకు MCLR 9.15%. ఈ రేట్లు జూలై 1, 2024 నుండి అమలులో ఉన్నాయని ప్రభుత్వ బ్యాంక్ వెల్లడించింది.