ఎన్నారై యజమాని టీడీఎస్ చెల్లింపు ఇలా ఉంటుంది

నాన్ రెసిడెంట్ ఆఫ్ ఇండియా(NRI)లు దేశంలో రియల్ ఎస్టేట్‌లో పెట్టుబడులు పెడుతుంటారు. ఇళ్లను నిర్మించి విక్రయిస్తుంటారు. అయితే ప్రతి నెల చెల్లించే అద్దె నుండి టీడీఎస్ మినహాయిస్తున్నారో లేదా తెలుసుకోవాలి. సాధారణంగా అద్దెలో టీడీఎస్ 31.2 శాతంగా ఉంటుంది. అయితే ఎన్నారై యజమాని భారత్‌లో పన్నుకు మించిన ఆదాయం లేదని సర్టిఫికెట్ చూపిస్తే తగ్గే అవకాశం ఉంటుంది.

టీడీఎస్ మినహాయించేందుకు కనీస పరిమితి లేదు. ఉదాహరణకు నెలకు రూ.5వేలు అయితే అధ్దెదారులు టీడీఎస్ చెల్లించాలి. ఇంటి యజమాని ఎన్నారై అయితే టీడీఎస్ సమయానికి చెల్లించాల్సిన బాధ్యత అద్దెకు ఉండేవారిది అవుతుంది.

కిరాయిదారు ముందు ట్యాన్ నెంబర్‌ను పొందాలి. ఆన్‌లైన్‍‌‍లో ఎన్ఎస్డీఎల్ వెబ్ సైట్ ద్వారా తీసుకోవచ్చు. ట్యాన్ నెంబర్ వచ్చాక అద్దెకు ఉండేవారు ప్రతి నెల ఆన్ లైన్ ద్వారా టీడీఎస్ చెల్లించవచ్చు. అద్దె రూ.5వేలు అయితే అందులో రూ.1570 (31.2 శాతం) టీడీఎస్‌ను మినహాయించాలి. మిగతా బ్యాలెన్స్ యజమానికి చెల్లించాలి. టీడీఎస్ ప్రతి నెల ఏడో తేదీలోపు అద్దెదారు చెల్లించవలసి ఉంటుంది.

ప్రతి త్రైమాసికం ముగిసిన నెల లోపు అద్దెదారు టీడీఎస్‌ను చెల్లించవలసి ఉంటుంది. ఉదాహరణకు ఏప్రిల్-జూన్ త్రైమాసికానికి టీడీఎస్ జూలై 31వ తేదీలోగా చెల్లించాలి. అయితే జనవరి - మార్చి త్రైమాసికానికి సంబంధించి టీడీఎస్ మే 31వ తేదీ లోపు దాఖలు చేయాలి. టీడీఎస్ రిటర్న్స్ దాఖలు చేశాక అద్దెదారులు పదిహేను రోజుల్లో ఫామ్ 16ఏలో టీడీఎస్ సర్టిఫికెట్‌ను యజమానికి అందించాలి.