POTD: రూ.5 లక్షలు పెట్టుబడి పెడితే.. రూ.7.24 లక్షలు మీ సొంతం..!

చిన్న మొత్తాల్లో పెట్టుబడి పెట్టాలనుకునే వారికి పోస్టాఫీస్ పథకాలు మంచి ఎంపికలు అవుతాయి. పోస్టాఫీస్ పథకాల్లో పోస్ట్ ఆఫీస్ టైమ్ డిపాజిట్ (POTD) ఒకటి. దీనిని నేషనల్ సేవింగ్స్ టైమ్ డిపాజిట్ అని కూడా పిలుస్తారు. తక్కువ రిస్క్‌తో స్థిరమైన రాబడిని కోరుకునే పెట్టుబడిదారులు ఈ పథకంలో పెట్టుబడి పెట్టొచ్చు. ఇందులో వడ్డీ రేటు కాలపరిమితిని బట్టి మారుతూ ఉంటుంది. ప్రభుత్వం ప్రతి త్రైమాసికానికి ఒకసారి దీనిని సమీక్షిస్తుంది. రూ. 5 లక్షల పెట్టుబడిని 1, 2, 3, 5 సంవత్సరాల పోస్ట్ ఆఫీస్ టైమ్ డిపాజిట్లలో పెట్టుబడి పెట్టవచ్చు. ఒక సంవత్సరాల పోస్ట్ ఆఫీస్ టైమ్ డిపాజిట్ వార్షికంగా 6.9 శాతం వడ్డీ రేటును అందిస్తుంది. మీరు రూ. 5 లక్షలు పెట్టుబడి పెడితే మీకు దాదాపు రూ. 35,403 వడ్డీ లభించే అవకాశం ఉంటుంది. తద్వారా మెచ్యూరిటీ సమయానికి మొత్తం విలువ సుమారు రూ. 5,35,403 పెరుగుతోంది.

2 సంవత్సరాల పోస్ట్ ఆఫీస్ టైమ్ డిపాజిట్ వార్షికంగా 7 శాతం వడ్డీ రేటును చెల్లిస్తారు. రూ. 5 లక్షల పెట్టుబడిపై రెండేళ్లలో దాదాపు రూ. 74,441 వడ్డీ లభిస్తుంది. దీంతో మెచ్యూరిటీ సమయానికి మొత్తం విలువ దాదాపు రూ. 5,74,441 కు చేరుతుంది. 3సంవత్సరాల పోస్ట్ ఆఫీస్ టైమ్ డిపాజిట్ వార్షికంగా 7.1 శాతం వడ్డీ రేటును అందిస్తుంది. మీరు రూ. 5 లక్షలు పెట్టుబడి పెడితే మూడేళ్లలో దాదాపు రూ. 1,17,538 వడ్డీ లభిస్తుంది. మెచ్యూరిటీ మొత్తం రూ. 6,17,538 చేరుతుంది. 5 సంవత్సరాల పోస్ట్ ఆఫీస్ టైమ్ డిపాజిట్ వార్షికంగా 7.5 శాతం వడ్డీ రేటును అందిస్తుంది. రూ. 5 లక్షల పెట్టుబడిపై ఐదేళ్లలో దాదాపు రూ. 2,24,974 వడ్డీ లభిస్తుంది. మెచ్యూరిటీ మొత్తం రూ. 7,24,974 చేరుతుంది.

పోస్ట్ ఆఫీస్ టైమ్ డిపాజిట్‌ను కనీసం రూ. 1,000 పెట్టుబడితో (రూ. 100 గుణిజాలలో) ప్రారంభించవచ్చు. పెట్టుబడి పెట్టగల గరిష్ట మొత్తంపై ఎటువంటి పరిమితి లేదు. దీనిపై వడ్డీ త్రైమాసిక ప్రాతిపదికన లెక్కిస్తారు. వడ్డీని వార్షికంగా చెల్లిస్తారు. అవసరమైన స్టాండింగ్ ఇన్‌స్ట్రక్షన్/ECS మాండేట్‌ను రాతపూర్వకంగా సమర్పించినట్లయితే, వార్షిక వడ్డీని కస్టమర్ పోస్ట్ ఆఫీస్ సేవింగ్స్ ఖాతాకు లేదా బ్యాంకు ఖాతాకు జమ చేయవచ్చు.

అన్ని పోస్ట్ ఆఫీస్ టైమ్ డిపాజిట్లు ఆదాయపు పన్ను మినహాయింపుకు అర్హత పొందవు. పాత పన్ను విధానం ప్రకారం 5 సంవత్సరాల పోస్ట్ ఆఫీస్ టైమ్ డిపాజిట్‌లో చేసిన పెట్టుబడి మాత్రమే సెక్షన్ 80C పన్ను ప్రయోజనానికి అర్హత పొందుతుంది. డిపాజిట్ చేసిన తేదీ నుంచి ఆరు నెలలు పూర్తికాకముందే పోస్ట్ ఆఫీస్ టైమ్ డిపాజిట్‌ను విత్‌డ్రా చేయలేరు. 1, 2, 3 సంవత్సరాల టైమ్ డిపాజిట్ల విషయంలో, ఆరు నెలల తర్వాత ముందుగానే మూసివేయడం అనేది నిర్దిష్ట వడ్డీ-రేటు నిబంధనలకు లోబడి ఉంటుంది. ఒకవేళ 2 లేదా 3 సంవత్సరాల టైమ్ డిపాజిట్‌ను ఒక సంవత్సరం తర్వాత మూసివేస్తే, 1 సంవత్సరం లేదా 2 సంవత్సరాల టైమ్ డిపాజిట్లకు వర్తించే రేటు కంటే 2% తక్కువ రేటుతో వడ్డీని లెక్కిస్తారు. ఈ పథకంలో చేరాలంటే.. స్థానిక పోస్టాఫీస్ లో సంప్రదించాలి.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.