Invest in Stock Market: స్టాక్ మార్కెట్ కరెక్షన్‌లు ఇన్వెస్ట్ చేయాలా?

స్టాక్ మార్కెట్ భారీ కరెక్షన్‌కు గురైనప్పుడు స్టాక్ మార్కెట్‌లో ఇన్వెస్ట్ చేయాలి. డిప్ సమయంలో ఇన్వెస్ట్ చేయాలని సూచిస్తుంటారు. కరోనా సమయంలో చాలామంది స్టాక్ మార్కెట్ పెట్టుబడుల వైపు చూశారు. 2020 మార్చి చివరి వారంలో సూచీలు భారీగా పతనమయ్యాయి. ఆ సమయంలో ఇన్వెస్ట్ చేసిన వారు ఇప్పుడు వందల రెట్ల రిటర్న్స్ పొందారు. కరోనా తర్వాత ఎక్కువమంది ఇన్సురెన్స్, పెట్టుబడులు, సేవింగ్స్ వైపు చూస్తున్నారు. భవిష్యత్తు కోసం పెట్టుబడులు చాలా నిర్ణయాత్మకంగా ఉండాలని మార్కెట్ నిపుణులు సూచిస్తున్నారు.

స్టాక్స్‌లో ఇన్వెస్ట్ చేస్తే...

మొదటిసారి పెట్టుబడిదారుడు ఎవరైనా స్టాక్స్‌లో ఇన్వెస్ట్ చేసి, నష్టపోతే నిరుత్సాహపడటం ఖాయం. కాబట్టి మొదటిసారి ఇన్వెస్ట్ చేసే సమయంలో స్టాక్స్ గురించి, స్టాక్ మార్కెట్ గురించి, స్టాక్ హిస్టరీని పూర్తిగా తెలుసుకోవాలి. ఆ తర్వాత ఇన్వెస్ట్ చేయాలి. నిపుణుల సలహాలు తీసుకోవాలి. పెట్టుబడుల లక్ష్యాన్ని సాధించడానికి ప్రణాళిక, క్రమశిక్షణ ముఖ్యం. అప్పుడు కొన్నేళ్లకు మీ చేతికి పెద్ద మొత్తం వస్తుంది.

అప్పుడు ఇన్వెస్ట్ చేయవచ్చు

ఎవరైనా మార్కెట్‌లో పెట్టుబడులు పెట్టాలనుకున్నప్పటికీ, మార్కెట్ ఒడిదుడుకులకు భయపడి వేచి చూస్తారు. కానీ దీర్ఘకాలానికి ఇన్వెస్ట్ చేయాలని భావిస్తే కాస్త డిప్ ఉన్న సమయంలోను పెట్టుబడి పెట్టవచ్చు. ఈక్విటీలో ఇన్వెస్ట్ చేసి, అసౌకర్యానికి గురైతే పెట్టుబడులను ఈక్విటీ, స్థిర ఆదాయ పెట్టుబడులుగా విభజించవచ్చు. మార్కెట్లు స్థిరీకరించడం ప్రారంభించినప్పుడు క్రమపద్ధతిలో ఈక్విటీలోకి మారడానికి ప్రణాళిక ఉండాలి.

ఇది గుర్తు పెట్టుకోండి

మీ పెట్టుబడి పోర్ట్‌పోలియోలో స్టాక్స్ విలువైన భాగం కావొచ్చు. వివిధ స్టాక్స్‌ను కలిగి ఉండటం ద్వారా మీ సేవింగ్స్‌ను పెంచుకోవడంలో, ద్రవ్యోల్భణం, పన్నుల నుండి మీ డబ్బును రక్షించుకోవడంలో, మీ పెట్టుబడుల నుండి వచ్చే ఆదాయాన్ని పెంచుకోవడంలో మీకు సహాయపడుతుంది. స్టాక్ మార్కెట్‌లో పెట్టుబడి పెట్టేటప్పుడు నష్టాలు ఉంటాయనే విషయాన్ని గుర్తు పెట్టుకోవాలి.