ICICI Prudential Retirement Plan: గ్యారెంటీ పెన్షన్ ప్లాన్

రిటైర్మెంట్ తర్వాత ఖ‌చ్చిత‌మైన ఆదాయాన్ని అందించేందుకు గ్యారెంటీడ్ పెన్ష‌న్ ప్లాన్ పేరుతో పెన్ష‌న్ ప్లాన్‌ను ప్ర‌వేశ‌పెట్టింది ICICI ప్రుడెన్షియ‌ల్ లైఫ్ ఇన్సురెన్స్‌. డిఫ‌ర్డ్, ఇమ్మిడియేట్ యాన్యూటీ విధానాల‌ను క‌లిపి పెట్టుబ‌డుల‌పై ఖ‌చ్చిత‌మైన రిటర్న్స్ అందించే విధంగా దీనిని తీసుకు వచ్చింది. ఐసీఐసీఐ ఫ్రుడెన్షియల్ ప్రకారం ఈ లైఫ్ పెన్షన్ ప్లాన్ పెరుగుతున్న జీవ‌న వ్య‌యానికి త‌గిన‌ట్లుగా క్ర‌మ‌మైన ఆదాయాన్ని పెంచి ఇచ్చే ఆప్ష‌న్ కలిగి ఉంది. అయిదేళ్ల తర్వాత రెండింత‌లు, పదకొండేళ్ల తర్వాత మూడింత‌లు రెగ్యుల‌ర్ ఇన్‌క‌మ్ పెరుగుతుంది.

రెండు రకాల ప్లాన్స్

ICICI ప్రుడెన్షియల్ లైఫ్ ఇన్సురెన్స్ ప్లాన్ పదవీ విరమణ తర్వాత క్ర‌మ‌మైన ఆదాయాన్ని పొందేందుకు యాన్యూటీలు వీలుక‌ల్పిస్తాయి. ఇవి రెండు ర‌కాలుగా ఉంటాయి. ఇమిడియేట్ యాన్యూటీలు, డిఫ‌ర్డ్ యాన్యుటీ. రెండింటిలోను ఒకదానిని వినియోగదారుడు ఎంచుకోవాలి. ఇమిడియేట్ యాన్యూటీ ఆప్ష‌న్‌ను ఎంచుకుంటే వన్ టైమ్ ప్రీమియంను చెల్లించిన వెంట‌నే క్ర‌మ‌మైన ఆదాయాన్ని పొంద‌వ‌చ్చు. డిఫ‌ర్డ్ యాన్యూటీ ఆప్ష‌న్‌ను ఎంచుకుంటే కొంతకాలం వేచిఉన్న తర్వాత యాన్యూటీ పొందే వీలు కలుగుతుంది.

పెన్షన్ ఆప్షన్

ఈ ప్లాన్‌తో ఎన్నో ప్రయోజనాలు ఉన్నాయి. జీవితకాలం కచ్చితమైన యాన్యుటీ ఉంటుంది. ఒకసారి ప్రీమియంను చెల్లించి, జీవిత కాలం కచ్చితమైన క్రమమైన ఆదాయాన్ని పొందవచ్చు. పదవీ విరమణ తేదీని ఎంచుకునే అవకాశం. కొనుగోలు చేసిన నాటి నుండి యాన్యుటీని తీసుకోవచ్చు లేదా ఒక ఏడాది నుండి పది సంవత్సరాలు వాయిదా వేసుకోవచ్చు. నెలవారీగా, మూడు నెలలకు, ఆరు నెలలకు, సంవత్సరానికి ఒకసారి.. ఇలా పెన్షన్ తీసుకోవడానికి ఏ ఆప్షన్ అయినా ఎంచుకోవచ్చు.

జీవిత భాగస్వామికి ఆదాయం

సింగిల్ లేదా జాయింట్ లైఫ్ ఆప్షన్లు ఎంచుకోవచ్చు. సింగిల్ లైఫ్ ఆప్షన్ ఎంచుకుంటే పాలసీదారు జీవించి ఉన్నంతవరకు క్రమమైన ఆదాయాన్ని పొందవచ్చు. సింగిల్ లైఫ్ పాలసీ తీసుకుంటే పాలసీదారు జీవించి ఉన్నంత వరకు క్రమమైన ఆదాయం పొందవచ్చు. జాయింట్ లైఫ్ ఆప్షన్ ఎంచుకుంటే పాలసీదారు మరణించాక జీవిత భాగస్వామికి ఆదాయం వస్తుంది. మొత్తం 11 రకాల యాన్యుటీ ఆప్షన్స్ అందుబాటులో ఉన్నాయి. మన ఆర్థిక అవసరాలకు తగిన ప్లాన్ ఎంచుకోవచ్చు.