For Quick Alerts
ALLOW NOTIFICATIONS  
For Daily Alerts

సిబిల్ బాగుంటేనే తక్కువ వడ్డీ రేటు, మీ స్కోర్ ఇలా పెంచుకోండి

|

పర్సనల్ లోన్ నుండి హోమ్ లోన్.. దాదాపు అన్ని బ్యాంకు రుణాలలో మీ క్రెడిట్ స్కోర్ కీలక పాత్ర పోషిస్తుంది. మంచి క్రెడిట్ స్కోర్ ఉంటే త్వరగా, తక్కువ వడ్డీ రేటుకు రుణాలు అందుతాయి. క్రెడిట్ స్కోర్ బాగా లేకుంటే వడ్డీ రేటు భారంగా మారుతుంది. క్రెడిట్ స్కోర్ అంట్ మీ రీపెమెంట్ సామర్థ్యాన్ని వెల్లడిస్తుంది. సిబిల్ స్కోర్ సాధారణంగా 300 నుండి 900 పాయింట్ల మధ్య ఉంటుంది. 750కి పైన సిబిల్ ఉంటే మంచి క్రెడిట్ స్కోర్‌గా బ్యాంకులు పరిగణిస్తాయి. బ్యాంకులతో పాటు నాన్-బ్యాంకింగ్ ఫైనాన్స్ కంపెనీలు కూడా అధిక క్రెడిట్ స్కోర్ ఉంటే ప్రాధాన్యత ఇస్తాయి. వడ్డీరేటును కూడా తక్కువకు అందిస్తాయి.

సిబిల్ పెంచుకోండి ఇలా

సిబిల్ పెంచుకోండి ఇలా

ప్రధానంగా మీరు ఆలస్యంగా చెల్లింపులు జరిపితే మీ సిబిల్ స్కోర్ తగ్గుతుంది. కాబట్టి మీ క్రెడిట్ కార్డు బిల్లులు, ఈఎంఐలు ఆలస్యం చేయకుండా గడువులోగా చెల్లించాలి.

నిపుణుల ప్రకారం అత్యవసరమైతే తప్ప మీరు మీ క్రెడిట్ కార్డు పరిమితిలో 15 శాతం నుండి 30 శాతం మాత్రమే ఉపయోగించాలి. మీరు మీ క్రెడిట్ పూర్తిగా నిత్యం వినియోగిస్తున్నారంటే మీరు ఆర్థిక క్రమశిక్షణ లేనివారిగా భావించవలసి ఉంటుంది. కాబట్టి అత్యధికంగా క్రెడిట్ కార్డు పైన ఆధారపడవద్దు. అలా అని ఉపయోగించకుండా ఉండవద్దు. దానిని పరిమితి మేర ఉపయోగించాలి.

ఎర్రర్స్ రిపోర్ట్

ఎర్రర్స్ రిపోర్ట్

మీ సిబిల్ స్కోర్‌లో హఠాత్తుగా తగ్గపోతే మీ క్రెడిట్ రిపోర్టును చెక్ చేయాలి. ఏవైనా ఎర్రర్స్ ఉంటే రిపోర్ట్ చేయాలి. ఇది మీ సిబిల్ పెరగడానికి ఉపయోగపడుతుంది.

మీ క్రెడిట్ లిమిట్‌ను పెంచమని చెప్పడం ద్వారా కూడా మీ సిబిల్ స్కోర్‌ను వేగంగా పెంచుకోవచ్చు. మీ క్రెడిట్ లిమిట్ పెరిగితే మీ క్రెడిట్ కార్డు వినియోగ శాతం కూడా తగ్గవచ్చు. కాబట్టి అప్పుడు మీరు రుణాలు తీసుకోవడానికి ఎప్పుడు అర్రులు చాచడం లేదని అర్థమవుతుంది.

సెక్యూర్డ్, అన్-సెక్యూర్డ్ క్రెడిట్ బ్యాలెన్స్ బాగుంటే మీ సిబిల్ పెరుగుతుంది. ఒకే సమయంలో పలు క్రెడిట్ కార్డ్స్ కోసం దరఖాస్తు చేయడం సరికాదు. ఇది మీ సిబిల్ పైన ప్రభావం చూపుతుంది.

అలాంటివి క్లోజ్ చేయవద్దు

అలాంటివి క్లోజ్ చేయవద్దు

సుదీర్ఘ క్రెడిట్ చరిత్ర మీ సిబిల్ స్కోర్‌ను పెంచుతుంది. మీకు మంచి క్రెడిట్ హిస్టరీ ఉంటే క్లోజ్ చేయవద్దు. మీ క్రెడిట్ కార్డ్స్ క్లోజ్ చేస్తే మంచి క్రెడిట్ హిస్టరీని కోల్పోతారు. ఇది మీ సిబిల్ పైన ప్రభావం చూపుతుంది. ఆరోగ్యకర సిబిల్ స్కోర్ నిర్వహణ, సాధ్యమైనంత వరకు క్రెడిట్ కార్డును యాక్టివ్‌గా ఉంచుకోవడం మంచిది.

మీ సిబిల్ స్కోర్ 750కి సమీపంలో ఉండకుంటే మీరు ఏదైనా రుణానికి దరఖాస్తు చేసుకోవడానికి వేచి ఉండటం మంచిది. మీ పెండింగ్ రుణాలు చెల్లించాలి. ఎలాంటి డ్యూస్ లేకుండా చూసుకోవాలి. ఎలాంటి పేమెంట్ డ్యూస్ లేకుంటే మీ క్రెడిట్ స్కోర్ పెరుగుతుంది. ఆలస్యంగా చెల్లింపులు జరిపితే మీ క్రెడిట్ నివేదిక పైన 7 ఏళ్ల పాటు ఉంటుంది.

English summary

High CIBIL score can get you a lower rate of interest

CIBIL score is an important factor that is taken into consideration by lenders at the time of offering you a loan.
Story first published: Tuesday, June 14, 2022, 16:03 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X