HDFC బ్యాంకు నుండి అరగంటలోనే ఎక్స్‌ప్రెస్ కారు లోన్

కారు కొనాలనుకుంటున్నారా? అయితే ప్రయివేటురంగ దిగ్గజం HDFC బ్యాంకు మీకో గుడ్ న్యూస్ చెప్పింది. కార్లు కొనుగోలు చేసే వారికి బ్యాంకులు వారి అర్హతలను బట్టి వేగంగా రుణాలు ఇస్తాయి. HDFC బ్యాంకు అన్ని అర్హతలు ఉన్న వారికి కేవలం అరగంటలోనే కారు రుణం ఇచ్చే ప్రణాళికలు సిద్ధం చేసింది.

'HDFC బ్యాంకు 30 మినట్స్ ఎక్స్‌ప్రెస్ కారు రుణం'ను అందుబాటులోకి తీసుకు వచ్చింది. ఆటోమోటివ్ డిజిటల్ ప్రక్రియ ద్వారా కేవలం 30 నిమిషాలలో కారు డీలర్ ఖాతాలో రుణ మొత్తం జమ అవుతుంది. ఈ ప్రాసెసింగ్ అంతా డిజిటల్‌గా ఉంటుంది. ఈ రుణ సదుపాయంతో దేశంలో కారు ఫైనాన్సింగ్ విధానంలో విప్లవాత్మక మార్పులు వస్తాయని బ్యాంకు చెబుతోంది.

భారత ఆటో పరిశ్రమ వచ్చే అయిదు నుండి ఏడేళ్ల కాలంలో సంవత్సరానికి 3.5 కోట్ల కొత్త వాహనాల యూనిట్ల విక్రయాలతో ప్రపంచంలోనే ఈ రంగంలో మూడో అతిపెద్దదిగా అవతరించనుంది. ఈ కొత్త వాహనాల రుణ వితరణకు బ్యాంకులు కూడా రుణ సౌకర్యం కల్పించేందుకు భారీ ఎత్తన తమ ప్రయత్నాలు ముమ్మరం చేస్తున్నాయి. ఇందులో భాగంగా HDFC బ్యాంకు కొత్త అవకాశాలను అందిపుచ్చుకునే లక్ష్యంలో భాగంగా ఎక్స్‌ప్రెస్ కారు లోన్స్‌ను ప్రారంభించింది.