బెంగళూరు vs గురుగ్రామ్: ఏ నగరంలో మీరు రూ. 1 లక్ష వరకు పొదుపు చేసుకోవచ్చు తెలుసా?

ఏ జాబ్‌నైనా ఎంచుకునేటప్పుడు చాలా మంది మొదట "సెలరీ ఎంత?" అని ఆలోచిస్తారు. కానీ చార్టర్డ్ అకౌంటెంట్ మీనల్ గోయల్ లింక్డ్ఇన్ లో చెప్పినట్టు మీరు ఎక్కడ ఉంటారో, ఎంత ఖర్చు అవుతుందో, ఎంత పొదుపు చేసుకోగలరో, మీ కెరీర్ రిస్కులు తీసుకునే సామర్థ్యం మీద ఎక్కువ ప్రభావం చూపుతుంది. గోయల్ తన అనుభవాన్ని గురుగ్రామ్ మరియు బెంగళూరు నగరాల తేడాలను చెప్పుతూ పంచుకున్నారు.

గోయల్ గురుగ్రామ్‌లో నివసించడం ప్రారంభించినప్పుడు తనకీ పెద్ద షాక్ లాగా అనిపించింది. ఆఫీసుకు దగ్గరగా ఒక సాధారణ 1BHK అద్దె రూ. 25,000, మేంటెనెన్స్, యుటిలిటీ ఖర్చులు అదనంగా వచ్చాయి. రోజువారీ భోజనం రూ. 6,000-8,000 ఖర్చు చేయాల్సి వచ్చింది. అలాగే క్యాబ్‌లు, గ్రోసరీ, వీకెండ్ ప్లాన్ల ఖర్చులు కలిపితే నెలవారీ ఖర్చు సులభంగా రూ. 45,000 దాటిపోయింది.

బెంగళూరులో గోయల్ నివసించడం ప్రారంభించినప్పుడు పరిస్థితి పూర్తిగా భిన్నంగా అనిపించింది. ఒకే విధమైన సెటప్‌లో అద్దె సుమారు రూ.18,000 మాత్రమే అంటే గురుగ్రామ్‌కి కంటె చాలా తక్కువ. భోజనం, గ్రోసరీ ఖర్చులు కూడా కొంచెం తక్కువ ఉన్నాయి. అలాగే ఆటో, కేబ్ వంటి రవాణా ఖర్చులు పెద్ద భారం అనిపించలేదు. మొత్తం మీద, నెలవారీ ఖర్చు సుమారు రూ. 35,000లోనే నిలిచింది. మొదట చిన్న తేడాగానే అనిపించినా ఏడాదికి ఇది రూ. 1 లక్ష పైగా పొదుపు చేసుకునే అవకాశం వచ్చింది.

గోయల్ చెప్పినట్టు, ఈ ఖర్చుల తేడా ఆమెకు ఎంత పొదుపు చేయగలదో, ఎంత పెట్టుబడి పెట్టగలదో, మరియు కొత్త అవకాశాలు లేదా కెరీర్ రిస్కులు తీసుకునే సామర్థ్యాన్ని నిర్ణయించింది. బెంగళూరులో తక్కువగానే ఖర్చు ఉండడం వల్ల ఆమె ఆర్థికంగా ఎక్కువ స్వేచ్ఛను పొందగలిగింది. కానీ మీరు ఏ నగరంలో ఉంటారో కూడా మీకు ప్రభావం చుపిస్తుండి," అని ఆమె వివరించారు.

అలా పొదుపు చేసిన డబ్బును స్మార్ట్‌గా పెట్టుబడి చేస్తే, వచ్చే కొన్ని సంవత్సరాల్లో మంచి సంపదని సృష్టించవచ్చు. ఉదాహరణకి, నెలకు కొంత డబ్బును SIPలో పెట్టడం, మ్యూచువల్ ఫండ్లు, స్థిర డిపాజిట్లు వంటి వాటిల్లో పొదుపు చేయడం వల్ల, చక్రవడ్డీ ప్రభావం వల్ల డబ్బు గణనీయంగా పెరుగుతుంది. చిన్న మొత్తాలను కూడా కొంతకాలం క్రమంగా పెట్టుబడి చేస్తే, 5-10 సంవత్సరాల్లో మీరు సొంతం చేసుకునే డబ్బు చాలా పెద్దదిగా మారుతుంది. ఇలా సరిగా ప్లాన్ చేయడం వల్ల, ఖర్చు తక్కువ ఉన్న నగరంలో జీవించడం ద్వారా పొదుపు చేసిన డబ్బు కేవలం ఆదా కాక, భవిష్యత్తులో ఆర్థిక స్వతంత్రత సాధించడానికి మార్గం సిద్ధం చేస్తుంది.

ఈ పోస్ట్‌కు చాలా మంది నెటిజన్లు స్పందించారు. "చాలా సున్నితంగా చెప్పారు. కొత్తగా మొదలుపెట్టినప్పుడు జీవన ఖర్చు అన్ని మారుస్తుంది. గురుగ్రామ్‌లో ఖర్చులు నిజంగా ఎక్కువ," అని ఒకరు. మరొకరు "రెండు నగరాల్లోనూ నివాసం చేశాను, బెంగళూరు ఎప్పుడూ సుస్థిరంగా అనిపించింది. వాతావరణం, వైబ్ కూడా ఖర్చు పద్దతిని మార్చేస్తుంది," అన్నారు.

చివరికి, చాలా మంది ఈ కథనంలో చెప్పిన పాఠాన్ని గుర్తించారు. వారి అభిప్రాయంలో జీవన ఖర్చు అంటే కేవలం రోజువారీ ఖర్చులు మాత్రమే కాక, మన ఇష్టాలు, కెరీర్ లక్ష్యాలు, పెట్టుబడులు, మరియు కొత్త అవకాశాలు సాధించడంలో కూడా పెద్ద ప్రభావం చూపుతుందని చెప్పబడింది. మీరు ఏ నగరంలో నివసిస్తారో, ఆ నగరంలోని ఖర్చులు, సౌకర్యాలు, రవాణా పరిస్థితులు అన్నీ కలిపి మీ ఆర్థిక నిర్ణయాలు, పొదుపు మరియు రిస్క్ తీసుకునే సామర్థ్యాన్ని కుదించినట్లు ఉంటాయి. అంటే నగరాన్ని సరిగ్గా ఎంచుకోవడం కేవలం ఖర్చులు తగ్గించడమే కాక మీ కెరీర్ మరియు వ్యక్తిగత ఆర్థిక ప్రగతికి కూడా కీలకమని భావించారు.