Fixed deposit: ఫిక్స్‌డ్ డిపాజిట్లు బోర్ కొడుతున్నాయా? కానీ, ఇప్పుడు ఇవే సేఫ్.. ఎందుకో తెలుసా?

పెట్టుబడుల ప్రపంచంలో ఇప్పుడు అందరూ స్టాక్ మార్కెట్లు, మ్యూచువల్ ఫండ్స్ లేదా బంగారం గురించి మాట్లాడుకుంటున్నారు. వీటితో పోలిస్తే ఫిక్స్‌డ్ డిపాజిట్లు (fixed deposit) అనేది చాలా పాత పద్ధతి అని, ఇది పెద్దగా లాభాలు ఇవ్వదని చాలా మంది పెదవి విరుస్తుంటారు. కానీ, మార్కెట్లలో అనిశ్చితి పెరిగినప్పుడు, గ్లోబల్ టెన్షన్లు ఇన్వెస్టర్లను భయపెట్టినప్పుడు.. అందరికీ గుర్తుకు వచ్చేది మళ్ళీ ఆ 'బోరింగ్' ఫిక్స్‌డ్ డిపాజిట్లే!

గణాంకాలు ఏం చెబుతున్నాయి?

నిజానికి, ఫిక్స్‌డ్ డిపాజిట్లు ఎప్పుడూ క్రేజ్ కోల్పోలేదు. ఆర్‌బీఐ (RBI) , ఇన్-క్రెడ్ మనీ డేటా ప్రకారం, మార్చి 2023 నాటికి బ్యాంకుల్లో ఉన్న మొత్తం రూ. 190 లక్షల కోట్ల డిపాజిట్లలో, దాదాపు రూ. 108 లక్షల కోట్లు కేవలం ఫిక్స్‌డ్ డిపాజిట్లు (fixed deposit) రూపంలోనే ఉన్నాయి. మరో రూ. 63 లక్షల కోట్లు సేవింగ్స్ అకౌంట్లలో ఉన్నాయి. అంటే భారతీయులు ఇప్పటికీ భద్రతకే (Safety) మొదటి ప్రాధాన్యత ఇస్తున్నారని అర్థమవుతోంది.

ఎఫ్‌డీలు ఎందుకు మళ్ళీ హాట్ టాపిక్ అయ్యాయి?

ప్రస్తుతం ప్రపంచవ్యాప్తంగా నెలకొన్న యుద్ధ పరిస్థితులు, మారుతున్న వాణిజ్య విధానాల వల్ల స్టాక్ మార్కెట్లు విపరీతమైన ఒడిదుడుకులకు లోనవుతున్నాయి. ఇలాంటి సమయంలో పెట్టుబడి పెట్టిన అసలు (Principal Amount) పోకుండా ఉండటం ముఖ్యం.

• వడ్డీ రేట్లు: ప్రస్తుతం ప్రభుత్వ , ప్రైవేట్ బ్యాంకులు 6.0% నుండి 7.5% వరకు వడ్డీని ఆఫర్ చేస్తున్నాయి.
• చిన్న బ్యాంకుల ఆఫర్లు: స్మాల్ ఫైనాన్స్ బ్యాంకులు అయితే ఏకంగా 8.0% నుండి 9.0% పైగా వడ్డీని ఇస్తున్నాయి.
• భద్రత: మీరు ఏ బ్యాంకులో డిపాజిట్ చేసినా, రూ. 5 లక్షల వరకు DICGC ఇన్సూరెన్స్ రక్షణ ఉంటుంది. కాబట్టి మీ డబ్బు పోతుందనే భయం అక్కర్లేదు.

ఎఫ్‌డీ vs ఈక్విటీ.. ఏది బెటర్?

గత కొన్నేళ్లుగా బంగారం, ఈక్విటీలు ఎఫ్‌డీల కంటే ఎక్కువ రిటర్న్స్ ఇచ్చాయి. కానీ మార్కెట్ పడిపోయినప్పుడు ఈక్విటీలలో నష్టపోయే ప్రమాదం ఉంది. అయితే ఎఫ్ డీ మాత్రం మీ పోర్ట్‌ఫోలియోకు ఒక బలమైన పునాదిలా పనిచేస్తుంది. మార్కెట్ ఒత్తిడిలో ఉన్నప్పుడు ఇది మీకు స్థిరమైన ఆదాయాన్ని అందిస్తుంది. అందుకే నిపుణుల సలహా ప్రకారం, మీ వయస్సు , రిస్క్ తీసుకునే సామర్థ్యాన్ని బట్టి 25% నుండి 50% వరకు డబ్బును ఎఫ్‌డీలలో ఉంచుకోవడం మంచిది.

ఇన్ఫ్లేషన్ (ద్రవ్యోల్బణం)ను తట్టుకోగలదా?

ప్రస్తుతం ద్రవ్యోల్బణం 2% నుండి 4% మధ్య స్థిరంగా ఉంది, అదే సమయంలో ఎఫ్‌డీ వడ్డీ రేట్లు ఎక్కువగా ఉన్నాయి. కాబట్టి ఇప్పుడు ఎఫ్‌డీలలో డబ్బు దాచుకుంటే వాస్తవిక లాభం (Real Returns) పొందే అవకాశం ఉంది. అయితే, మీరు అధిక టాక్స్ బ్రాకెట్‌లో ఉంటే, పన్నులు పోగా వచ్చే లాభం కొంచెం తక్కువగా ఉండవచ్చు.

మొత్తంగా చెప్పాలంటే.. ఎఫ్ డీ అనేది కేవలం వెల్త్ క్రియేటర్ మాత్రమే కాదు, అది మీ కష్టార్జితానికి ఒక పటిష్టమైన రక్షణ కవచం. మార్కెట్ రేట్లు తగ్గక ముందే, ప్రస్తుతమున్న అధిక వడ్డీ రేట్లను లాక్ చేసుకోవడం (1 నుండి 3 ఏళ్ల టెన్యూర్‌తో) ఒక తెలివైన ఫైనాన్షియల్ మూవ్ అవుతుంది.

Article Corrections

change focus keyword "Fixed deposits" to "Fixed deposit" in meta description and url.. because i found better search volume for that word. and did change meta description abit