నెలకు రూ. 10,000 పెట్టుబడి చేస్తే 10 ఏళ్లలో రూ. 1.2 కోట్లు సంపాదించవచ్చు అంటున్న CA కౌశిక

మధ్యతరగతి కుటుంబాల కోరికలో పెద్ద ఆర్థిక స్వాతంత్ర్యం సాధించడం సాధారణంగా ఓ పెద్ద సవాలుగా ఉంటుంది. అధిక ఆదాయం లేకపోవడం, పెరుగుతున్న ఖర్చులు, ఆర్థిక పరిస్థితులు ఈ లక్ష్యాన్ని ఇంకా దూరం చేస్తాయనిపిస్తాయి. అయితే, చార్టర్డ్ అకౌంటెంట్ నితిన్ కౌశిక్ గారు సూచించిన విధంగా, సరైన ఆర్థిక లక్ష్యాలతో, క్రమబద్ధంగా పెట్టుబడులు పెట్టడం మరియు జాగ్రత్తగా ఖర్చులను చూసుకోవడం ద్వారా కేవలం 110 సంవత్సరాల్లో రూ.1.2 కోట్ల ఆస్తిని సంపాదించుకోవచ్చు. దీనికి పెద్ద జీతం అవసరం లేకపోయినా, స్మార్ట్ ఆర్థిక నిర్ణయాలు తీసుకొని వాటిని క్రమంగా అమలు చేయడం ముఖ్యం.

కౌశిక్ సూచించిన విధంగా, ఆర్థిక లక్ష్యాలను ముందుగా నిర్ణయించడం చాలా ముఖ్యం. ముఖ్యంగా పిల్లల భవిష్యత్తుపై దృష్టి పెట్టిన కుటుంబాల కోసం, పిల్లలు పుట్టినప్పటి నుండి ఇన్వెస్ట్‌మెంట్ ప్లాన్ ప్రారంభించడం మేలు. నెలకు సుమారు రూ. 10,000ని మ్యూచువల్ ఫండ్స్ (SIPs), PPF లో పెట్టడం ద్వారా 15 సంవత్సరాల్లో సుమారు అది రూ. 60 లక్షలు సంపాదించవచ్చని ఆయన చెప్పారు. SIPల ద్వారా 12% సగటు వార్షిక రాబడిని ఆశిస్తే, PPF ద్వారా సురక్షితంగా మరియు టాక్స్ లాభాలను పొందడం ద్వారా ఈ లక్ష్యం సాధ్యమవుతుంది. మొదట నుండే ప్రారంభించడం వల్ల కాంపౌండింగ్ మంచిగా పని చేస్తుంది, దానివల్ల మొత్తాన్ని గణనీయంగా పెంచుతుంది.

ఇల్లు సొంతం చేసుకోవాలని చాలామంది అనుకుంటారు. కానీ CA కౌశిక్ సూచించినట్లుగా, పెద్ద లొన్ తీసుకోకుండా, మొదట అద్దె ఇంట్లోలోనే ఉండి పెట్టుబడులు చేయడం మంచిది. ఇలా చేస్తే, ఇంటి డౌన్ పేమెంట్ కోసం సరైన సొమ్ము సృష్టించవచ్చు, ఇల్లు కోసం దాచిన డబ్బుని సుమారు 25% వరకు దాచిపెట్టుకోవచ్చు. ఇంటి కొనుగోలు కోసం ఒక చిన్న 10 సంవత్సరాల పర్సనల్ లేదా హోమ్ లొన్ తీసుకోవడం మంచిది. ఈ సమయంలో, నెలకు చెల్లించాల్సిన EMIs మీ నెలవారీ ఆదాయం యొక్క సుమారు 35% కన్నా ఎక్కువ కాకుండా ఉంచాలి. ఇలా చేస్తే రెండు ప్రధాన లాభాలు ఉంటాయి. లొన్ వ్యవధి చిన్నగా ఉండటంతో, మొత్తం రుణం పై వచ్చే వడ్డీ మొత్తం తగ్గుతుంది. EMIs సమయానికి చెల్లించడంతో, లొన్ త్వరగా తీర్చబడుతుంది, ఇది ఆర్థిక స్వతంత్రతను మరియు మనసు శాంతిని ఇస్తుంది.

ఇలాంటి వ్యూహం ద్వారా, ఎక్కువ అప్పు భారం లేకుండా, ఇంటి సొంతం చేసుకునేది తొందరగా సాధించవచ్చు.

రిటైర్మెంట్ కి ప్రిపేర్ అవ్వడం:
కేవలం EPF మీద ఆధారపడటం రిటైర్మెంట్ అవసరాల కోసం తగదు. CA కౌశిక్ చెప్పిన విధంగా, NPSలో క్రమంగా పెట్టుబడులు పెంచడం, ప్రత్యేక రిటైర్మెంట్ SIPs నిర్వహించడం ద్వారా 10 సంవత్సరాల్లో సుమారు రూ. 30-35 లక్షల రిటైర్మెంట్ ఫండ్ సొంతం చేసుకోవచ్చు. ఇది భవిష్యత్తులో ద్రవ్యోల్బణం నుండి రక్షిస్తుంది.

స్థిరమైన అలవాట్లు సంపద సృష్టిలో అత్యంత కీలకం. లైఫ్ స్టైల్ ద్రవ్యోల్బణం తగ్గించడం, ఖర్చులను ట్రాక్ చేయడం, అవసరమైన వరకు విహారయాత్రలు వాయిదా వేయడం, SIPలో లేదా లోన్ లు ముందుగానే రీపే చేయడం వంటి అలవాట్లు క్రమపద్ధతిగా చేసుకుంటూ వెళ్తే సంపద సృష్టికి సహాయపడతాయి.

CA కౌశిక్ తెలిపిన వివరాల ప్రకారం, 10 సంవత్సరాలలో సాధించిన పెట్టుబడులు ఈ విధంగా ఉంటాయి: మ్యూచువల్ ఫండ్లలో సుమారు రూ. 72 లక్షలు, PPF, EPF, NPSలో రూ.28 లక్షలు, ఫిక్స్డ్ డిపాజిట్ మరియు అత్యవసర ఫండ్లలో రూ.8 లక్షలు అలాగే హోమ్ ఈక్విటీలో (లోన్ సగటు తగ్గించిన తర్వాత) రూ. 15 లక్షలు సొమ్ము నిల్వ అవుతుంది. మొత్తం లెక్కలో సగటు రూ.22 లక్షల హోమ్ లోన్ ఉన్నా నికర ఆస్తి విలువ 10 సంవత్సరాల్లో రూ. 1.2 కోట్లకు పైగా చేరతుందని ఆయన తెలిపారు.

నితిన్ కౌశిక్ చెప్పిన విధంగా, సంపద సృష్టి పెద్ద జీతం, అదృష్టం, లేదా షార్ట్‌కట్‌ల మీద ఆధారపడి ఉండదు. స్థిరమైన, క్రమబద్ధమైన పెట్టుబడులు, చిన్న త్యాగాలు మరియు స్మార్ట్ ఆర్థిక నిర్ణయాలు తీసుకోవడం ద్వారా మధ్యతరగతి కుటుంబాలు కూడా 10 సంవత్సరాల్లో రూ. 1.2 కోట్లు సంపాదించవచ్చు.