ఇల్లు కొనే సమయంలో హోమ్ లోన్ తీసుకోవాలా లేదా? ఏది మీకు లక్షలు ఆదా చేస్తుందో చూడండి?

ఇల్లు కొనడం అంటే జీవితంలో ఒక పెద్ద ఆర్థిక నిర్ణయం. ఇక్కడ మనం ఎక్కువగా రెండు ఆప్షన్ల మధ్య ఆలోచనలో పడతా ఉంటాం. హోమ్ లోన్ తీసుకోవడం లేదా మొత్తం డబ్బులతో కొనడం. హోమ్ లోన్ ఉంటే, పెద్ద మొత్తాన్ని ఖర్చు చేయకుండా, EMIలుగా కొంతకాలం చెల్లిస్తూ, ఇతర ఖర్చులు కోసం లిక్విడిటీ ఉంచుకోవచ్చు. మొత్తం డబ్బులతో కొనడం అంటే, డెబ్ట్ లేకుండా మొత్తం డబ్బును ముందే చెల్లించడం. రెండు ఆప్షన్లూ ఆదాయం, సేవింగ్స్, భవిష్యత్తు ఫైనాన్షియల్ ప్లాన్ల పై వేర్వేరు ప్రభావం చూపిస్తాయి.

హోమ్ లోన్ తీసుకోవడం - ఎందుకు మంచిది?

హోమ్ లోన్ తీసుకుంటే మీరు ఆర్థికంగా ఎక్కువ స్వాతంత్ర్యం పొందుతారు. ఎందుకంటే, ప్రాపర్టీ కోసం సేవింగ్స్ మొత్తం బ్లాక్ చేయకుండా మిగిలిన డబ్బును ఇతర పెట్టుబడులలో పెట్టి ఎక్కువ రాబడిని పొందవచ్చు. అదేవిధంగా, హోమ్ లోన్‌లో "ట్యాక్స్ లాభాలు" కూడా ఉంటాయి. ప్రిన్సిపల్ EMIను సెక్షన్ 80C కింద, వడ్డీ EMIను సెక్షన్ 24(b) కింద డిడక్ట్ చేసుకోవచ్చు. దీని వల్ల మొత్తం ట్యాక్స్ బరువు తగ్గుతుంది.

EMIలను సమయానికి చెల్లించడం ద్వారా మీ క్రెడిట్ హిస్టరీ బాగుంటుంది. ఇప్పుడు వడ్డీ రేట్లు సౌకర్యవంతంగా ఉన్నందున, 30 ఏళ్ళ వరకు పదవీ కాలంతో లోన్ తీసుకోవడం సులభమైంది. మంచి ప్లాన్‌తో తీసుకున్న లోన్, ఇల్లు మీ సొంతంగా పొందడంలో సహాయపడేదే కాకుండా, ఏవైనా అత్యవసర పరిస్థితులు లేదా ఇతర పెట్టుబడుల కోసం లిక్విడిటీను కూడా ఉంచడానికి అవకాశం ఇస్తుంది.

ఒక్కసారే డబ్బులతో కొనడం - ఎప్పుడు ఉపయోగకరంగా ఉంటుంది?

మీకు చేతిలో డబ్బులు ఎక్కువగా ఉంటే, తీసుకోవడం వల్ల వడ్డీ చెల్లింపులు తప్పించుకోవచ్చు. ఇల్లు కొన్న వెంటనే పూర్తి హక్కు మీదే అవుతుంది, లెండర్ ఇన్వాల్వ్మెంట్ లేదా డాక్యుమెంటేషన్ లో తలనొప్పి లేదు. ఇది ముఖ్యంగా రిటైర్డ్ అయిన వారు లేదా డెబ్ట్-ఫ్రీగా ఉండదలచిన వారికి ఉపయోగపడుతుంది. కానీ, అన్ని సేవింగ్స్ ను ప్రాపర్టీ కోసం పెట్టడం వల్ల అత్యవసర పరిస్థితులు కోసం లిక్విడిటీ తగ్గుతుంది, లేదా ఇతర పెట్టుబడుల అవకాశాలను కోల్పోతారు. కాబట్టి, స్వయం ఫండింగ్ ముందు, కనీసం 6-12 నెలల ఖర్చులు అత్యవసర పరిస్థితులు కోసం లిక్విడిటీలో ఉంచడం మంచిది.

ఉదాహరణగా, మీరు 50 లక్షల రూపాయల హోమ్ లోన్ 30 ఏళ్ళకు తీసుకుంటే, వడ్డీ రేటు సుమారుగా 8% అనుకుంటే, మొత్తం వడ్డీ సుమారుగా 70-75 లక్షల వరకు చెల్లించవలసి వస్తుంది. కానీ, మీరు కొంత ముందస్తు చెల్లింపు (prepayment) లేదా పెద్ద డౌన్ పేమెంట్ (40-50%) చేస్తే, లోన్ మొత్తం వడ్డీ సుమారుగా 30-35 లక్షల వరకు తగ్గవచ్చు. అంటే, మీరు వడ్డీ పరంగా సుమారు 35-40 లక్షల రూపాయల నష్టాన్ని సేవ్ చేసుకోవచ్చు. ఇది EMIలను సమయానికి చెల్లించడం, ముందస్తు చెల్లింపు చేయడం, మరియు డౌన్ పేమెంట్ ఎక్కువగా పెట్టడం ద్వారా సాధ్యమవుతుంది.

తక్కువ రిస్క్, ఎక్కువ లాభం కోసం హోమ్ లోన్ మరియు ఒక్కసారే డబ్బులతో కొనడం మిక్స్ చేయడం మంచి ఆప్షన్. ప్రాపర్టీ కంటే 40-50% డౌన్ పేమెంట్ చేసి, రుణ భారం తగ్గించుకోవచ్చు, కానీ అత్యవసర పరిస్థితులు కోసం కొంత డబ్బు లిక్విడిటీలో ఉంచడం సురక్షితం.

చివరగా, ఏ ఆప్షన్ మీకోసం ఉత్తమమో మీరు మీ రిస్క్, క్యాష్ ఫ్లో మరియు ఆర్థిక లక్ష్యాల ఆధారంగా నిర్ణయించాలి. EMIలను సౌకర్యంగా చెల్లించగలగడం అంటే హోమ్ లోన్ తీసుకోవడం ద్వారా మీరు "ట్యాక్స్ లాభాలు" పొందవచ్చు, లిక్విడిటీ కూడా కాపాడుకోవచ్చు, మరియు చిన్న అత్యవసర పరిస్థితులు కోసం ఖర్చు చేసేందుకు సులభంగా ఉంటుంది. కానీ, మీరు దీర్ఘకాలంలో మానసిక శాంతి, ఆర్థిక స్థిరత్వం కోరుకుంటే, ఒక్కసారే డబ్బులతో కొనడం మంచి ఆప్షన్. ముఖ్యంగా, పెద్ద మొత్తాన్ని లోన్ తీసుకోవడం వల్ల వచ్చే ఒత్తిడులు లేకుండా, సురక్షితంగా, నిద్రలేని రాత్రులు లేకుండా మీ ఇంటి హక్కును పొందడం అత్యంత ముఖ్యమని చెప్పవచ్చు.