బెస్ట్ పోస్టాఫీసు స్కీమ్స్: ఇవి మీకు మంచి రాబడిని ఇస్తాయి.. మీరు ఓ లుక్కేయండి..

మీరు మీ రిటైమెంట్ లేదా భవిష్యత్తు కోసం ఏదైనా ప్లాన్ చేస్తున్నారా.. ప్రతినెలా చిన్న మొత్తంతో ఎక్కువ రాబడి పొందాలని ఆలోచిస్తున్నారా.. అయితే దేశంలోని కేంద్ర, రాష్ట్ర ప్రభుత్వాలు ప్రజలకి వివిధ రకాల పథకాలను అమలు చేస్తున్నాయి. ఇవి మీకు కనీస పెట్టుబడితో సహా గరిష్ట పెట్టుబడి పెట్టేందుకు అందుబాటులో ఉన్నాయి. ఇంకా ఇవి మీ భవిష్యత్ అవసరాలకు అలాగే మీ పిల్లల కోసం ఎంతో ఉపయోగపడతాయి.

మీరు కొన్ని సురక్షితమైన ఫైనాన్షియల్ పెట్టుబడి పెట్టాలని చూస్తున్న సొంత పెట్టుబడిదారుల..? మీ సమాధానం 'అవును' అయితే మీరు ఫిక్స్‌డ్ డిపాజిట్‌లో పెట్టుబడి పెట్టవచ్చు. అవును ఫిక్స్‌డ్ డిపాజిట్‌(FD)తో పాటు చిన్న పొదుపు లేదా పోస్టాఫీసు సేవింగ్స్ పథకాలలో పెట్టుబడి పెట్టే అవకాశాన్ని కూడా పరిగణించవచ్చు.

ఈ పథకాలలో PPF ( పబ్లిక్ ప్రావిడెంట్ ఫండ్ ), ప్రతినెలా ఇన్ కం అకౌంట్, సీనియర్ సిటిజన్స్ సేవింగ్స్ స్కీమ్, పోస్టాఫీసు సేవింగ్స్ అకౌంట్, నేషనల్ సేవింగ్స్ సర్టిఫికేట్ (NSC), కిసాన్ వికాస్ పత్ర (KVP) అలాగే సుకన్య సమృద్ధి అకౌంట్ (SSA) ఉన్నాయి .

ఈ స్కీమ్స్ అలాగే అకౌంట్స్ సురక్షితమైనవి, ప్రమాదం కలిగించనివి కాబట్టి పెట్టుబడిదారులకు హామీతో కూడిన రాబడిని అందిస్తాయి.

వీటి పై పెట్టుబడిదారులు పొందే వడ్డీ ఆదాయం FDలు అందించే వాటికి కొంత దగ్గరగా ఉన్నప్పటికీ ఇవి IT చట్టంలోని సెక్షన్ 80C కింద సంవత్సరానికి 1.5 లక్షల వరకు ఆదాయపు పన్ను మినహాయింపును ఇస్తాయి.

కొన్ని సాధారణ చిన్న సేవింగ్స్ పథకాల గురించి:

1. పబ్లిక్ ప్రావిడెంట్ ఫండ్: ఇది సంవత్సరానికి 7.1 శాతం వడ్డీని అందిస్తుంది. ఒక ఆర్థిక సంవత్సరంలో ఒక వ్యక్తి పెట్టగలిగే కనీస పెట్టుబడి రూ. 500 అలాగే గరిష్టంగా రూ.1.5 లక్షలు. అకౌంట్ ఓపెన్ చేసిన సంవత్సరం మినహా ఐదు సంవత్సరాలలో ఏదైనా ఒక ఆర్థిక సంవత్సరంలో ఒక్కసారి విత్ డ్రా తీసుకోవచ్చు. కాబట్టి PPF విత్ డ్రాలపై కూడా పరిమితులు ఉన్నాయి.

2. ప్రతినెలా ఇన్ కమ్ అకౌంట్ : ఇది సంవత్సరానికి 7.4 శాతం వడ్డీని అందిస్తుంది. ఇందులో ఒకరు పెట్టుబడి పెట్టగల కనీస మొత్తం రూ. 1,000. ప్రతినెలా ఇన్ కమ్ అకౌంట్లో పెట్టుబడి పెట్టగల గరిష్ట పెట్టుబడి రూ.9 లక్షలు అలాగే జాయింట్ అకౌంట్లో రూ.15 లక్షలు.

3. సీనియర్ సిటిజన్స్ సేవింగ్స్ స్కీమ్: ఈ స్కిం సంవత్సరానికి 8.2 శాతం వడ్డీని అందిస్తుంది. అకౌంట్లో రూ.30 లక్షలకు మించకుండా సింగిల్ డిపాజిట్ మాత్రమే ఉంటుంది.

4. పోస్ట్ ఆఫీస్ సేవింగ్స్ అకౌంట్: ఇది పర్సనల్/జాయింట్ అకౌంట్ పై సంవత్సరానికి 4 శాతం వడ్డీ అందిస్తుంది. అకౌంట్ తెరవడానికి ఒకరికి కనీసం రూ.500 అవసరం.

5. పోస్ట్ ఆఫీస్ రికరింగ్ అకౌంట్: ఇది సంవత్సరానికి 6.7 శాతం వడ్డీని అందిస్తుంది. ఒకరు కనిష్టంగా రూ.100 డిపాజిట్ చేయవచ్చు ఇంకా ఇందులో పెట్టుబడి పెట్టడానికి గరిష్ట పరిమితి లేదు.

6. నేషనల్ సేవింగ్స్ సర్టిఫికేట్: ఇది సంవత్సరానికి 7.7 శాతం వడ్డీని అందిస్తుంది. ఒకరు కనీసం రూ.1,000 పెట్టుబడి పెట్టవచ్చు అలాగే ఇందులో గరిష్ట పరిమితి లేదు.

7. కిసాన్ వికాస్ పత్ర: ఇది సంవత్సరానికి 7.5 శాతం వడ్డీని అందిస్తుంది. ఒకరు కనీసం రూ.1,000 పెట్టుబడి పెట్టవచ్చు అలాగే దీనిలో కూడా గరిష్ట పరిమితి లేదు.

8. సుకన్య సమృద్ధి అకౌంట్: ఇది సంవత్సరానికి 8.2 శాతం వడ్డీని అందిస్తుంది. ఒక ఆర్థిక సంవత్సరంలో కనీసం రూ. 250 అలాగే గరిష్టంగా రూ.1.5 లక్షలు డిపాజిట్ చేయవచ్చు.